→ كل الوصفات

التورته بالخطوات والتزيين بسيط

طريقة عمل التورته بالخطوات والتزيين بسيط سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • مكونات الكيك : كوب وربع دقيق
  • 1/4 كوب نشأ
  • 1/3 كوب زبده
  • معلقه وسط بيكنج بودر
  • معلقه كبيره خل
  • فانيلا
  • رشه ملح
  • معلقتين كبار ماء أو لبن
  • 1/2 كوب سكر بودرة
  • التزيين :تمن كيلو بودرة كريم شانيته
  • كوب لبن ساقع
  • 4 معالق ماء كبار +نص كوب مربى
  • صوص الشوكولاته :نص كوب لبن
  • 1/2 كوب سكر بودرة
  • فانيلا
  • 1/2 كوب كاكاو
  • 1/2 كوب زيت
  • 1/4 كوب بسكوت بوريو مجرووش
  • 1/4 كوب شوكليت شيبس
  1. قبل أي حاجه هنسخن الفرن على ١٨٠ فالبدايه وبعدين فبوله غويطه هنضيف البيض مع الملح والفانيلا ونضرب كويس جداً حوالي ٥ دقائق لما يتغير ويبقى كريمي خالص بعدين هنضيف السكر البودره ونضرب على أقل سرعه حوالي دقيقه ونص
  2. وبعدين هنضيف الزبده ونكمل ضرب كل الخطوات بعد ضرب البيض على أقل سرعه فالعجان وبعدين هنضيف الدقيق والنشا مع البيكنج بودر ونضرب تاني لما يتجانس الخليط
  3. هنضيف معلقتين الماء ومعلقه الخل ونضرب لما يتجانس خالص الخليط كاملا هنلمه من الجوانب وبعدين هنبط صينيه زيت ودقيق وننزل فيها بالخليط كامل وندخلها الفرن المتسخن عيةلي ١٨٠ حوالي ٤٥ دقيقه تستوي خالص
  4. هنقفل الفرن ونسيبه يبرد تماما بعدين هنطلعها باااااااارد عشان متهبطتش وهنخرجها من الصينيه ونقطعها بالسكينه المشرشره لسهوله التقطيع بالشكل ده المقدار صغير والصينيه مقاس ٢٠ صغيرة خالص
  5. هنقلب المربى مع الماء تبقى سبريد ونحضر الكريمه بوضع تمن كيلو من بودرة الكريم شانتيه مع كوب لبن ساقع ورشه الفانيلا وضربهم لما تتماسك وتطلع منقار كدا تبقى مظبوطه وفالخلاط هنضيف مكونات صوص الشوكولاته ونضربهم مع بعض لما يتماسك الخليط
  6. ويديني صوص مظبوط اي علبه كاتشب فاضيه هنضيفه فيها ويبقى جاهز للاستخدام
  7. هنجيب طبق يكفي لحجم الكيك ونحط في كميه من الكريمه وعليها طبقه كيك وعليها مربى بسيط وعليها كريمه
  8. ونفردالكريمه وبعدين نضيف طبق تاني من الكيك فوقها ونكرر نفس الخطوات مربى وبعدين نفرد كريمه
  9. وهكذا لانتهاء الطبقات بعدين هنغلف الكيك كله بالكريمه
  10. هنوزع عليه الكريمه بالتساوي وعلى قد الإمكان هنساوي الجوانب ومن فوق بالسكينه(ملحوظه ممكن الاستغناء عن صوص الشوكولاته ونزينها على الكريمه بس)
  11. هنضيف الكريمه الباقيه فالكيس الحلواني ونحتفظ بيه في التلاجه هننزل بصوص الشوكولاته ونغلفها فوق الكريمه وبالكريمه هنعمل وردات من فوق ومن الجوانب ومن فوق وعلى الكريمه هنوزع الاوريو المجروش وعلى الجوانب والشوكليت شيبس على كل ورده واحده وحفظها في التلاجه ساعتين وتتقدم بالهنا ✋💪
  12. ملحوظه ممكن استبدال المربي بالشربات أو باللبن بس بسيط جدا منه وممكن استخدام المضرب اليدوي
عجبتك الوصفة؟
شوف كل وصفاتنا في مكان واحد
كل الوصفات →