→ كل الوصفات
#وصفات_بالتمر (كيك البلح والكراميل) #مطبخ_بطوطة
المقادير
- ¼ كيلو بلح عجوه منزوع النواه البلح الطازج ماينفعش فى وصفتنا
- ملعقه صغيره بيكربونات صوديوم
- 300 ملل ميه حوالى كوب ونص
- 2 كوب (طحين) دقيق
- ملعقه كبيره بيكنج بودر
- ½ كوب سكر او ثلاثه ارباع ودا حسب ما تحبى يكون حلاوتها
- 3 بيضات
- فانيليا
- ½ كوب زبده طريه
- 💥 مقادير صوص الكراميل
- كوب سكر
- كوب حليب سائل
- ملعقة كبيرة زبدة
- 3 ملاعق كبيرة حليب بودرة ودا اختيارى
طريقة التحضير
- اول حاجه نحط الميه مع بيكربونات الصوديوم مع بعض على النار حله صاج او استانلس واول يغلى نحط البلح
- ونقلب شويه على نار هاديه لحد ما يتفتت البلح وتحسيه بقى طرى جدا ونطفى النار ونتركها تبرد
- نجى بقى فى الخلاط ونحط البيض والسكر ونضرب كويس
- وبعدين نحط الزبده والفانيليا ونضرب كويس. وبعدين خليط البلح والميه ونصرب كويس
- بعد كدا نحط الخليط دا كله فى سلطنيه عميقه ونضيف الدقيق والبودر وذره الملح حبه حبه لحد ما كل المكونات تتجانس مع بعض
- وبعدين نحطها فى صينيه مدهونه مقاس 24 وندخلها فرن حامى على درجه متوسطه 180 ومانفتحش عليها قبل نص ساعه والأحسن لو ما فتحتيش عليها خالص غير بعد مرور الساعه وبتاخد تقريبا ساعه
- فى أثناء تسوية الكيك نجهز صوص الكراميل
- كوب سكر نكرمله على النار ولما يسيح ويبقى لونه دهبى
- يكون لونه غامق شوية نحط ملعقه زبده كبيره ونقلب ثم نضيف كوب حليب سائل عليه ثلاثه ملاعق حليب بودره
- ونقلب هتلاقى الكراميل مسك وبقى حته واحده عادى هدى النار وقلبى لحد السكر ما يفك ويسيح تانى كويس وبعدين نطفى النار ونسيبهم يبردوا شويه
- وبعدين نصفيه بمصفه ضيقه وبعدين نتركها لحد ما تطلع الكيكه من الفرن
- وبعد ما تستوى الكيكة نطفى الفرن و نتركها فى الفرن لحد ما تهدأ شويه حوالى عشر دقائق وباب الفرن مفتوح قليلاً
- هنا الكيك بعد ما تخرج من الفرن نتركها تبرد قليلاً
- ونخرمها بالشوكه ثم نصب عليها صوص الكراميل اللى جهزناه سابقاً
- ونتركها تبرد تماماً ثم نقطعها ونقدمها بألف هنا
- طعم ورائحة جميلة جدا وعالية وهشة ما شاء الله
- إن شاء الله تعجبكم 😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد