→ كل الوصفات

التوميه السوري

طريقة عمل التوميه السوري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 معلقة كبيره نشا
  • 1 كوبايه ماء
  • 2 فص ثوم كبير أو 3 متوسطين
  • 1/2 ليمونه كبيره أو ليمونه متوسطه
  • 1 معلقة خل كبيره
  • 1 معلقة ملح مسموحة صغيرة
  • 4 معالق كبار لبن
  • 1/2 كبايه زيت
  1. أول حاجه هندوب النشا في كبايه الماء على البارد قبل ما نحطها على النار و دا نوع النشا اللي بستخدمه و كويس جداً
  2. بعد ما ندوبهم كويس هنرفعهم على نار متوسطة و نقعد نقلب فيهم لحد ما نحس أن لونه بقي ابيض فاتح مايل للشفاف زي كدا هنطفي عليه
  3. هنسيب الخليط دا لحد ما يهدى بعدين ندخله الثلاجه أقل حاجه ساعتين عشان يبقى ساقع وماسك نفسه كويس هنلاقيه بقي كدا قوامه
  4. بعد كدا هجيب الخلاط احط فيه خليط النشا و عليهم نص اللمونه انا استخدمت ليمونه كبيره زي اللي في الصوره كدا بعدين هحط عليهم 4 ملاعق لبن يعني ممكن يبقى بمقدار نص فنجان عليهم ملعقة الخل و المعلقه الممسوحه ملح و الثوم هنقطعه صغير اوي لو مش فيه هراسه ثوم
  5. بعد كدا هشغل الخلاط لحد ما يختلطو ببعض كويس لو لقيت الخلاط واقف خالص ممكن نزود ملعقة لبن بعدين أنزل ب نص كبايه زيت و الخلاط شغال بس خيط رفيع مش أنزله مره واحده عشان مش يركن في الخلاط من فوق و الكبايه دي كبايه شاي تقريبا سعتها 250 ملي في هنأخذ نصها بقي
  6. .. لما نلاقي الخليط بقي تمام وقوامه كريمي بس كدا نقفل.الكمية دي هتطلعلك مقدار حوالي 250 ملي يعني ربع الخلاط عايزه اكتر ضاعفي الكمية بس قللي الملح شويه.جربوها و أن شاء الله تطلع زي اللي بره تمام 💋❤
عجبتك الوصفة؟
شوف كل وصفاتنا في مكان واحد
كل الوصفات →