→ كل الوصفات
جبتلكم سر التوميه بدون زبادي ولا مايونيز #مقبلات_رمضان
المقادير
- 1/2 كوب لبن
- 1/2 كوب ماء
- معلقتين كبار نشا
- 5 معالق كبار زيت
- 3 فصوص ثوم كبار مقصومين نوصين
- معلقه لبن نيدو كبيره (اختياري)
- ملح
- عصير نصف ليمونه
طريقة التحضير
- اول حاجه هعملها اني هنقع الثوم في نصف كوب الماء في بوله
- وفي حله هحط نصف كوب اللبن ومعلقين النشا وهقلبهم كويس وبعد كدا هرفعهم على النار لحد ما يتقل معايا وتكون كتله كدا هسبها تبرد وبعد ما تبرد
- هحطها في الكبه او الخلاط وعليها نصف كوب الماء الى كان الثوم منقوع فيها وهشيل الثوم منها وهستخدمه في اي حاجه تانيه وهحط عليهم الليمون والملح واللبن البودرة وهضربهم كويس لحد ما القوام ينعم معايا وممكن اضيف معلقتين ماء كمان لحد ما القوام ينعم معايا وبعد كدا بنزل بالزيت بالتدريج علشان القوام يتقل معايا والف هنا❤❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد