→ كل الوصفات
الطريقة التونة الصحية النضيفة البيتي والله طعمها احلى من العلب وارخص وانضف وبدون مادة حافظة ولا غيره واقتصادية👌👌 💪💪💪💖
المقادير
- 3 سمكات ماكريل وسط
- 2 لتر ماء وعليه معلقتين كبار خل لنقع السمك
- ماء مغليه لغلى السمك
- ورق لورا
- فصين قرنفل
- قشر ليمون
- رشه ملح
- معلقه صغيرة كمون
- معلقه صغيرة فلفل اسود
- رشه زنجبيل
- معلقه بصل وثوم بودرة
- رشه حسبرة ناشفه
- رشه كركم
طريقة التحضير
- هاتى سمك ماكريل ويفضل نوع كويس ونضفى السمك كويس جداً جداً وشيلى الرأس والزعانف وحطيه في ماء بخل خمس دقائق بس وبعدين اشطفيه كويس وقطعيه قطع كبيرة بالعرض يعنى السمكة على اتنين او تلاتة وتكونى محضرة ماء مغلي فيها فصين قرنفل وقشرتين ليمون و ملح خفيف وكمون وبصل بودرة ونص ملعقة كركم وزنجبيل وقرفة خفيف وفلفل اسود وكزبرة ونزلى فيها قطع السمك بحيث الماء ماتكونش كتير 👌💪
- ووتغطيها وتسيبيها ربع ساعة على نار هادية وبعد ماتستوى سيبيها في الماء لحد ماتبرد وبعدين طلعيها وفصصيها وشيلى الشوك كويس جداً وخليها قطع كبيرة مش مفتتة وحطيها في علبة وخدى ماء السلق وضيفى عليه معلقتين خل ولمونة وشوية ملح وحطيهم على السمك اللي في البرطمان
- ورشي على وجهها شوية زيت وغطيه وحطيه في الثلاجة على الرف اللي فوق ولما تعوزى خدى منه وفتتى للعيال واعملى سلطة تونة اوعا المكرونة او سندوتشات للمدرسة و اي طريقة تعجبك زي ما بتعملى التونة العلب وهتتحفظ معاكى شهرين وتلاتة كمان وب الف هنا على قلوبكم💖💖💖💋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد