→ كل الوصفات

الثومية الاصلية الاقتصادية بدون مايونيز❌ولا طحينة❌ولا بطاطس❌

كلنا بنحب الثومية مع المشويات وبالذات مع الفتة السورى. انا بقى بعد تجارب كتير🗜️🔎👩‍🔬 وابحاث علمية 🤓😂 اخيراااا توصلت للثومية الاصلية الاقتصادية💪 بدون طحينة❌ولا بطاطس❌ ولا مايونيز❌.. وطعمها تحفة وكريمي وتقيلة😍.. وتحدي 💪 #تحدي_الشيف_الذهبي #الشيف_الذهبي #التومية #الثومية_الاصلية #كوكينا_cookina #eman_magdy

  • معلقتين كبار هرمية نشا🍚
  • كوب ماء 🥛
  • كوب زبادي بلدي او اي نوع من الصغير
  • 3 معالق كبار لبن او حليب🥛
  • 1/4 كوب زيت يكون نضيف او ذرة🥃
  • معلقة خل كبيرة مُركزة
  • 1/2 معلقة كبيرة ثوم مفروم
  • ملح حسب الرغبة🍚
  1. هنجيب كسرولة وهنضيف النشا🍚
  2. وكوب الماء🥛
  3. ونقلب عالبارد لحد لما يدوب فيكوا دوب 😁
  4. وهنحطه عالنار🔥وهنفضل نقلب في النشا لحد لما يدوخ 🌀😂 لحد لما المية تتبخر خالص ويتقل جدا ومانقدرش نشيله 😁واول مايغلي من جواه ونحرق دمه😆🌡️هنطفي عليه
  5. وهنسيبه يبرد ❄️ ويسقع ويتلج لحد لما يبقى بالشكل اللي في الصورة ده 👇👇زي القطع عشان لازم يبقى بالشكل ده لان الخطوة دى مهمة👌 لأنها لما تكون بالشكل ده.. هتخلي الثومية تقيلة.. ولو مستعجلة عشان تبرد بسرعة.. اول لما تبقى دافية حطيها في التلاجة هتبرد بسرعة ولو في الصيف حطيها قدام المروحة
  6. واول ماتبرد اول حاجة هنجيب الخلاط ونضيف الزبادي واللبن🥛 والخل
  7. وهنا ضيفت التوم والملح
  8. وضيفت الزيت وضربتهم مع بعض كويس جدا
  9. واخر حاجة حطيت النشا شوية بشوية وبضربهم في الخلاط ضربا شديدا مبرحاً😂 لحد لما هتحسي انها تقلت.. وبعد كدا دوقوا طعمها عشان لو محتاج ملح او توم.. ولو تقيل جدا ضيفوا شوية لبن ولو خفيف ضيفوا نشا بس ان شاء الله المقادير دى مظبوطة.. واخر حاجة حطوها في التلاجة عشان تتقل معاكوا وتبقى قد الفيل ابو زلومة 🐘🤣
  10. وده الشكل النهائي وبالهنا والشفا على قلبكوا الجميل 🌹♥️
عجبتك الوصفة؟
شوف كل وصفاتنا في مكان واحد
كل الوصفات →