→ كل الوصفات

الجرانولا #دايت 🥣

هنعملها في البيت ارخص وانظف واحلي من اللي بتتباع في المحلات وصحيه كمان 👌

  • 2 كوب شوفان سريع التحضير
  • كوب الا ربع جوز هند
  • 1/4 كوب عين جمل
  • 1/4 كوب لوز
  • 2 معلقه كبيره زبيب
  • 2 معلقه كبيره مشمش مجفف مقطع
  • 2 معلقه كبيره عسل ابيض
  • رشة قرفه (اختياري)
  1. نخلط جميع المكونات مع بعض كويس (ماعدا الزبيب نحطه في نص التحمير علشان ميتحرقش) ملحوظه : انا استخدمت ٢ كوب الا معلقتين شوفان سريع التحضير وحطيت ٢ معلقه كبيره شوفان الحبه الكامله علشان بحب استخدمه المهم يكون المقدار ٢ كوب
  2. بنجيب صاج ونضع فيه ورقه زبده ثم نضع المكونات ونفردها كويس (وممكن نستخدم المكسرات اللي نحبها مش شرط اللي موجود في المكونات)
  3. ندخلها فرن سابق التسخين علي ١٧٠ درجه لمده ١٠ دقايق او لحد ما يتحمصو ويحمر لونهم كويس وفي نص المده نضع الزبيب ونقلبه معهم
  4. وبعد ما يطلع نتركها يبرد تماما ثم نضعها في علبه زجاج محكمة الغلق علشان يفضل مقرمش
  5. وناخد وقت ما نحب مثلا ناخد منها ٢ معلقه كبيره مع نص كوب لبن خالي الدسم كسناك و للفطار ٤:٥ معالق مع كوب لبن خالي الدسم و حسب نظامك بردو اللي ماشيه عليه ومش بتنفش او تتقل زي الشوفان العادي لما ناكلها مع اللبن يمي يمي 😋😋(بجد مشبعه جدا جدا) الوصفه دي بقت اساسيه معايا في الدايت والف هنا 👌
عجبتك الوصفة؟
شوف كل وصفاتنا في مكان واحد
كل الوصفات →