→ كل الوصفات
# أكلات دايت من أحلى السناكس بتاع الدايت اللى ممكن تاكليهاومشبعة جدا وقيمتها الغذائية متفجرة
المقادير
- 2 كوب شوفان
- 0.5 كوب فول سوداني
- 0.5 كوب زبيب
- 0.5 كوب جوز هند
- 0.5 كوب سمسم محمص
- 0.5 كوب حمص التسالى
- ملعقتين بذر كتان
- كوب فواكه مجففة
طريقة التحضير
- حمصى الشوفان على طاسة بدون اى دهون نهائى لغاية ماتحسى انه نشف
- ضيفى كل المكونات مع بعض وخليها تاخد تقليبتين على النار علشان تتخلص من اى رطوبة موجودة فيها وده هيطول عمرها ويحافظ على طعمها
- سيبيها تبرد وحطيها في برطمان محكم الغلق
- في شوية ملاحظات عاوزة اقولك عليها
- أولا الشوفان بيحب الماء جدا وبيسبب الامساك فلو هتتناولي الجرانولا كل ملعقة تاكليها تشربى قدامها مش اقل من كباية او كباية ونص ماء علشان في ناس ممكن تتعب
- الجرانولا دى اقتصادية يعنى اى حاجة عندك ضيفيها ومش لازم تتقيدى بالوصفة لان في ناس ممكن تحط كاجو وفستق وبذر شيا وده براحتك برده
- هتلاحظى مافيهاش عسل ولا زبدة ومش محتاجين نقسمها اجزاء تبقى ماسكة نفسها لانى حاولت كتير ماعرفتش اوصل انى اخليها بار على بعضه زى بتاعة السوبر ماركت
- لو هتشترى الجرانولا من السوبر ماركت اقرى بعناية المكونات والقيمة الغذائية لان في انواع الخمسة وعشرين جرام منها فيهم 15 جرام سكر وده مش دايت ابدا ابدا
- ممكن طبعا الجرانولا اللى احنا عاملينها تاكليها بالمعلقة كده من غير اى اضافات او ممكن تحطيها على لبن رايب ومعلقة عسل واى فاكهة وكده يبقى احلى زبادو
- ممكن تحطيها عالزبادى وتتعشى بيها بس خدى بالك من شرب الماء
- ممكن تحطيها على لبن ساخن مع بليلة وتفطرى بيها تقدرى تاكليها بأى شكل وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد