→ كل الوصفات

الجمبري المقلى 😋😋

طريقة عمل الجمبري المقلى 😋😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو جمبري متقشر ومتنضف
  • 2 ليمون
  • معلقتين ثوم مفروم
  • رشه ملح
  • كمون
  • ملعقة كركم كبيرة
  • رشة زعتر
  • كوبين دقيق
  • ومعلقة نشا كبيرة
  • زيت غزير للقلي
  1. بعد تنضيف الجمبري بنخلط في طبق غويط معلقتين الثوم ونعصر عليهم الليمون وربع ملعقة ملح ونص ملعقة كمون ونضع الجمبري في الخلطة ونقلبه كويس ونسيبه في الثلاجة على الاقل ساعة
  2. نجيب صينية غويطة شوية نخلط فيها الدقيق والنشا ونص ملعقة صغيرة ملح وملعقة الكركم ونص ملعقة كمون ورشة الزعتر ونقلبهم في بعض كويس بملعقة ناشفة
  3. وبعدين نطلع الجمبري من خلطة التون والليمون على الخلطة بتاعت الدقيق ونقلب كويس ونكون مسخنين الزيت جداااا واهو منظره بعد ماطلع من الدقيق
  4. نسيبه في الزيت لحد ماياخد اللون الذهبي ويقرمش وبالهنا والشفا 😋😋😋
عجبتك الوصفة؟
شوف كل وصفاتنا في مكان واحد
كل الوصفات →