→ كل الوصفات

الحمام الكداب بالتتبيلة المميزة

#تحدي_الدجاج

  • 2 وراك فراخ كبيرة مخلية
  • كيس حراري
  • جزر
  • كوسة
  • بطاطس" على حسب الرغبة
  • كوب ارز ابيض مصري مغسول ومتصفي
  • بصلة صغيرة متخرطة صغير
  • حبة طماطم متخرطة
  • زبدة
  • كبد وقوانص فراخ متقطعة صغير
  • ملح
  • رش ة توابل لحمة
  • بصلة صغيرة
  • حبتين طماطم
  • عصير نصف ليمونة
  • معلقة صغيرة خل
  • معلقة صغيرة زيت طعام
  • فص ثوم
  • معلقة صغيرة دبس الرمان
  • معلقة صغيرة صويا صوص
  • رشة سكر
  • معلقة صغيرة ونصف كاتشب
  • معلقة صغيرة ملح طعام
  • رشة فلفل اسمر
  • 0.5 معلقة صغيرة من السبع بهارات
  • علبة زبادي صغيرة
  1. نضرب كل مكونات التتبيلة في الكبة كويس جداً لحد ما تتحول لخليط متجانس هنتبل الفراخ من جوه
  2. نحضر الارز بنشوح البصل في الزبدة لحد ما يصفر وننزل بالكبد والقوانص نشوحهم كويس بعدين الارز والطماطم المتخرطة والملح والفلفل الاسمر والتوابل ونقلب كويس جداً وبفضل إني مضيفش ماء خالص للارز عشان ميعجنش بعد كده
  3. هنحشي الفراخ بالارز ونجيب خيط ونقفل الفراخ على الارز كويس ونلف الخيط حوالين الورك كويس اوي ونربطه وننزل الفراخ في التتبيلة ونعمل فيها من بره شقوق صغيرة بالسكينة عشان تشرب التتبيلة ونسيبها تبات ل تاني يوم في الثلاجة
  4. هنجيب كيس حراري نحط جواه رشة دقيق وندخل الفراخ والخضار المتقطع ونصب باقي التتبيلة عليهم ونقفل الكيس كويس ونتبع التعليمات اللي على الكيس من بره ونحطه في صينية اول نصف ساعة على درجة 200 وبعدين نقلل ل 180 بتأخذ حوالي ساعة او ساعة وربع على حسب حجمها ونطلعها نلاقيها اخدت لون تحفة والخضار استوي ولو ملونتش كويس هنفتح الكيس ونحطها تحت الشواية وبألف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →