→ كل الوصفات
طريقة عمل الحمام الكداب #وصفات_رمضان 🌙 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 6 اوراك فراخ وسط مخليه حمام كداب
- التتبيله
- بصله وسط مبشوره
- طمطاميه وسط مبشوره
- معلقه صغيره فلفل اسود
- معلقه صغيره بهارات لحمه
- معلقه صغيره بابريكا
- 1/2 معلقه صغيره كزبره ناشفه
- رشة جوزة الطيب
- ملح
- 2 معلقه كبيره خل ابيض
- الحشو
- 1/2 كيلو كبد وقوانص مقطع صغير
- معلقه كبيره سمنه علي زيت
- كوب معياري ومعلقه كبيره رز ابيض مصري مغسول ومتصفي فقط
- بصله وسط مقطع صغير
- ملح / فلفل اسود
- 2 ورق لوري
- رشة قرفه
- 2 حبهان
طريقة التحضير
- اول حاجه بجيب الاوراك واغسلها كويس وانقعها في محلول النقع ونتركها نص ساعه وبعدين نشطفها كويس
- تاني حاجه بنحضر مكونات التتبيله ونخلطهم سوا ونتبل بيهم الاوراك كويس ونغطيها بستراتش راب ليله كامله في التلاجه
- تاني حاجه نحضر الحشو بنضف الكبد والقوانص من الدهون الزياده كويس ونغسلها وننقعها في محلول النقع نص ساعه وبعدين نقطعهم قطع صغيره - في حله ننزل بالسمنه علي الزيت يسخن -ننزل بالبصل يدبل ننزل بالقوانص تتشوح مع (فلفل اسود + ورق لوري + حبهان) - ثم ننزل بالكبد تتشوح - ثم ننزل بالارز المغسول مش منقوع + القرفه ونقلب كويس - ثم ننزل بالماء حوالي كوب الاربع كده ونتركه علي نار هاديه يستوي نص سوا - ثم نشيل ورق الوري والحبهان
- وفي طبق نقطع بصله صغيره نقطعها صغير ونضع عليها (بقدونس ناشف + فلفل اسود + بهارات لحمه + ملح + رشة جوزة الطيب) وندعكهم بايدنا كويس وننزل بيهم علي خلطه الكبد والقوانص 😎 التكه دي بتفرق في الطعم والريحه
- تاني يوم بنفرد ورق استرتش بالطول علي الرخامه ثم نضع قطعه الورك عليه ونضع كيس بلاستك وندق عليه بالمدق ونفتح اللحم كده بالسكينه
- ثم نضع الحشو كويس وندخل لجوه عند عظمه الورك ونقفل كويس
- ثم نلف الورك روب ونقفل من الجوانب ونعمل كل الكميه بنفس الطريقه
- ثم نجيب كيس حراري ونضعه في الصينينه مستطيله ثم نرص الاوراك في الكيس الحراي بالطول جنب بعض زي الصوره كده (علي حسب شكل الصينينه اللي هتسوي فيها)
- ثم نعمل فتحات بالسكينه بسيط من فوق
- تدخل لون سابق التسخين علي ٢٠٠ لمده ١٠ دقيقه ثم علي ١٨٠ لمده من ٣٠ : ٤٠ دقيقه لحد ما تستوي وتكبر حجمها كده
- لو احتاجت نشغل الشوايه تاخد وش نشيل الكيس وورق الاسترتش راي وندهن من الصوص اللي نزل وتاخد وش من كل الجوانب وبالف هنا 🤩 ورمضان كريم عليكم جميعا يارب🤲 🌙
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد