→ كل الوصفات
طريقة عمل الحمام الكداب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- وراك فراخ مخليه من العضم
- ملح وفلفل وكمون وقرفه
- بصله متوسطه مبشوره
- كوب أرز مغسول ومتصفي
- ورق لورا وحبهان وعود قرفه
- كبد وقوانص متقطعه صغير
- ½ كوب زيت
- ½ كوب خل
- ملح وفلفل وبابريكا وتوم وبصل بودره وقرفه وجنزبيل بودر
- معلقتين كبار كاتشب
- معلقتين كبار زيت
- بابريكا وملح وفلفل
طريقة التحضير
- الاول هتتبلي الوراك بالتتبيله اللي فوق دي👆 وتسبيها ع الاقل ساعه
- تحضير الأرز هاتي حله ع النار وضيفي فيها معلقتين زيت وانزلي بالبصل لحد ماتدبل شويه وبعدين ضيفي الكبد والقوانص والبهارت وشوحيهم كويس جدا وبعدين انزلي بالأرز وقلبي ٥ دقائق واطفي النار
- نيجي بقا نحشي الوراك هتفردي الورك علي بلاستيك راب وتحشيه بالأرز وتلفيه رول وتأكدي اللفه بخيط او خله اسنان وبعدين لفيه واربطيه زي البونبونايه 🍬 ولفيه تاني ف ورق فويل وابدأي سويه بقا ف ميه مغليه فيها ورق لورا وحبهان وعود قرفه بيأخد ساعه كامله وبتلاقيه استوي
- فوكيه بقا من اللفه دي ورصيه ف صنيه وادهني بخليط الوجه ودخليه الفرن يتحمر يااما تحمريه ف طاسه فيها زيت مع معلقه سمنه عشان الطعم وقدميه مع مكرونه بقا او جلاش باللحمه زي ماتحبي وانا وريتكم السفره كامله😊😍 يارب وصفتي النهارده تكون عجبتكم أشوفكم على خير💛💛
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد