→ كل الوصفات

الحمام الكذاب المحشي فريك

لو بتحبي طعم الحمام المحشي بس عايزة طريقة أسهل وأوفر فالوصفة هادي هتعجبك كتير طعمها بجد خطير والفريك متشرب الصوص والتتبيلة وكل لقمة فيها حكاية 🤤 جربوه #ع_طريقتي #المريول_السوبر

  • 3 اوراك دجاج مخليه
  • 1/4 كوب فريك
  • 1 بصلة صغيرة
  • ملح و فلفل اسود و قرفة ناعمة
  • م ك نعناع ناشف
  • 2 كوب مياه مغلية
  • 1/4 م ص 7 بهارات
  • 1 بصلة كبيرة مفرومة ناعم
  • حبه طماطم وسط مبشورة ناعم
  • ملح و فلفل اسود
  • 7 بهارات
  • رشه قرفة
  1. هانجيب الاوراك و نغسلها كويس من الزفرة و بعدين نفردهم و ندقهم بمدق اللحم و نعمل التتبيلة بقي نحط البصل المبشور و الطماطم و البهارات ع بعض و نقلبهم كويس و نتبل بيها بين الجلد و اللحم و كمان نتبلهم كويس نحطهم ع جنب شوية
  2. ونعمل الحشو ف طاسة هانحط الفريك المغسول و متصفي كويس و هانحط عليها البهارات و النعناع الناشف و بعدين نقطع عليه بصلة صغيرة و نضيف شوية زيت و نقلبهم و نحط الطاسة ع النار و نضيف المياه المغلية بالتدريج لحد ما يستوي معنا الفريك
  3. هانبدا نجيب الاوراك و نفردها كويس و نحط كمية مناسبة من الحشو و نلف الورك ع بعضه و نقفله بالخلة الصغيرة
  4. انا هنا حطيته ف الفرن اسهل و اسرع و كمان صحي كتير عن السلق ف الفويل.. جبت صينية مناسبة حطيت فيها الفويل و بعدين ورق الزبدة و قطعت بطاطس و بصل و طماطم و فلفل رومي و بعدين رصيت عليهم الحمام و طبعا حطيت المية بتاعت البصل اللي كانت متبلة فيها الاوراك.. وقفلتها كويس و دخلتها الفرن لحد ما استوت و بعدين حمرتها و قدمها مع الرز و السلطة وبالهنا و الشفا 👌🏻
عجبتك الوصفة؟
شوف كل وصفاتنا في مكان واحد
كل الوصفات →