→ كل الوصفات

الحمام المحشي بالفريك والملوخية المصرية

طريقة عمل الحمام المحشي بالفريك والملوخية المصرية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 اجواز حمام بالسودة تبعيتن
  • 1/2 كيلو سودة دجاج
  • 1/2 كيلو فريك
  • بصلة كبيرة
  • 2 فليفلة خضرة
  • عود قرفة
  • ورق غار
  • رشة فلفل اسود
  • رشة بهار حلو
  • بصلة صغيرة للمرقة
  • 1/2 كيلو ملوخية خضره
  • 6 فصوص ثوم
  • معلقة سمنة
  • رشة فلفل اسود
  • رشة كزبرة ناشفة مطحونة
  1. بننضف الحمام منيح من الريش وبناخد السودة والقلوب تبعولن وبنحطن على جنب
  2. بنقطع سودة الدجاج كل واحدة منهن 3 قطع
  3. نحط شوية زيت والسودة تبعيت الدجاج وتبعيت الحمام بطنجرة ونقلبن تقليبتين
  4. بننقع الفريك نص ساعة
  5. بنحط البصلة الكبيرة المفرومة والفليفلة معن وورق الغار والفلفل الاسود والبهارات وبتقلبن للبصل والفليفلة يدبلوا وياخدوا لون خفيف
  6. بنجيب الفريك وبنزوده عليهن وبنقلبه معن شي دقيقتين
  7. بنزود فوقن الماء المغلية ومكعب مرق ماجي ورشة ملح خفيفة جداا
  8. نحشي الحمام بس ما نكبسه كتير عشان ما يفرقع ونطعج اجريه ونفوتها من ورا
  9. نخيط الحمام من تحت ونحطه بماء مغليه فيها بصلة وعود قرفة وفلفل اسود حب وورق غار وملح لمدة نص ساعة لتلت ارباع الساعة
  10. بنأخذ الحمام نحطه بصينية مدهونة سمنة او زيت وبندهن وجه وبنفوته الفرن مشغل من فوق ومن تحت بنحطهن بالرف النصاني
  11. هلأ الملوخية : بنفرم الملوخية بالمخرطة وندق حصوص الثوم
  12. نحط كبايتين مرقة من تبعيت الحمام بطنجرة ونحط معها الملوخية المفرومة ونضل نحركها على نار متوسطة مع تزبيط الملح
  13. ندق الثوم ومعن نص قرن فليفلة وشوية كزبرة ناشفة مطحونة ونقليهن بالسمنة لما نشوف انه الملوخية سخنت وهيدي بيسموها بمصر الطشة
  14. اول ما الملوخية يبين عليها علامات تلغليان بنخفف تحتها و بنزود الطشة تبعيتها يلي بيكون لونها ذهبي وبنطفي تحتها
  15. للتزيين بنقلي شوية قلوبات (مكسرات) وبنحطن على صحن الفريك
  16. بالهنا والشفا بالمصري وصحتين باللبناني
عجبتك الوصفة؟
شوف كل وصفاتنا في مكان واحد
كل الوصفات →