→ كل الوصفات

الحمام المحشي بخلطة مميزة للافراح والعزومات

#الشيف_الذهبي خلطة الرز دى من اجمل خلطات الحمام وبتتعمل بالطلب فى الفلاحين وخفيفه على المعدة واحلى اكله للعرايس الحلوين

  • 3 جوز حمام
  • 2 بصلة مقطعه
  • 2 جزرة مبشورة
  • 3 طماطم قطع صغيرة
  • 2 فرن فلفل حامى
  • ملح وفلفل اسود حسب الرغبة
  • 1 جوزة طيب كامله
  • حبهان مطحون
  • مستكه
  • 1/2 كوباية رز لكل حمامه
  • كبد وقوانص الحمام
  • سمن بلدى
  1. نغسل الحمام كويس جدا وندعكو بالليمون
  2. نحط البصل مع السمن فى طاسة او صينيه انا بحب الصينيه عشان بقلب براحتى فيها المهم نقلب لحد ماياخد اللون الذهبي الغامق
  3. نضيف الكبد والقوانص والتوابل تتشوح كويس جدا
  4. نضيف الجزر والفلفل الحامى والطماطم
  5. نغسل الرز ونضيفه للخلطة واهم حاجة مننساش جوزة الطيب نبشرها كامله او معلقة مطحونة
  6. نضيف نص كوباية ميه يستوى الرز شوية
  7. اهم خطوة بقا ودى التكاية للى بتخلى الحمام بتاعى منفردة بيه انى بفحم الخلطة من جوة
  8. كدا الحشوة جهزت معانا ونبدا نحشي
  9. يتسلق فى ميه وملح وورق لورا ومستكه وحبهان وبصل وجزر وبعدين يطلع نرصه فى صينيه وندهن كل حماما بالسمن البلدى ويدخل فرن سخن جدا
  10. كنت عامله معاه جلاش باللحمه وطواجن ملوخيه
  11. يوصل للون الاحمر ويخرج يتفحم وبالف هنا على العرايس الحلوين
عجبتك الوصفة؟
شوف كل وصفاتنا في مكان واحد
كل الوصفات →