→ كل الوصفات

الحواوشى

بدل ما نشترى الحواوشي من بره و احنا مش ضمنين هو بيتعمل من ايه او خايفين على ولادنا انا عشان طالبه فعرفا ايه اللى ممكن احنا كا طلاب ممكن ناكل ايه وايه تاثيره بعد كدا لقدر الله طبعا الطريقه دى مختلفه عن طريقه الحواوشى التانى اللى انا منزله على صفحتى دا بالعجينه اما التانى كان بالعيش البلدى و يالا بينا نشوف الخطوات

  • للعجينه
  • 3 كوب دقيق
  • 1/2 كوب زيت
  • معلقه صغيره ملح
  • قطعه خميره بيره في حجم عين الجمل كدا او معلقه صغيره خميره فوريه
  • ماء حسب العجن
  • كوب زبادي
  • 1/2 كوب لحمه مفرومه
  • للحشو
  • 3 معالق كبار سمنه
  • فلفل
  • ملح
  • بصله كبيره مبشوره
  • معلقه خل او عصير ليمون
  • 2 طماطم مقطعا صغير
  • فلفل اخضر او الوان باى كميه ممكن 1/2 واحده من كل لون
  1. نذوب الخميره البيؤه في كوب ماء دافى ونضيف اليه الزيت والزبادى بس يكونه دافين بنفس درجه حراره الميه تقريبا ونقلبهم كلهم كويس اوى
  2. ننخل الدقيق مع الملح وبعدين نعمل حفره في نص الدقيق ونصب فيها خليط الخميره ونعجن كويس ونسيبه في مكان دافى لمده 1/2 ساعه يخمر
  3. نقطع العجينه قطع متوسطه شويه ونسيبها تخمر نص ساعه تانى
  4. نسخن الفرن
  5. نحضر الحشو : نحمر البصل على النار مع السمن
  6. وبعدين نضيف اللحمه المفرومه والتوابل ونسيبه على نار هادئه لمده 10 دقايق
  7. ثم نضيف الطماطم والخل وعصير الليمون ونسيبها تستوى 80 %
  8. وبعدين نفرد العجينه ونحط فيها الحشو اللى هي اللحمه وممكن تحطى حشوات تانيه كمان وتغطى الحشو بعجينه تانيه ونقفل الجوانب كويس اوى وندهنها سمنه ونحطها في صينيه مدهونه زيت او سمنه
  9. ندخل الصينيه في فرن سخن ونسيبها تستوى ونقدمها سخنه
  10. وبالهنا والشفا مع تحياتى :)
  11. نسخ الرابط تمّ نسخ الرابط
  12. البريد الإلكتروني
  13. بينترست
  14. اقرأ المزيد
  15. اطبع الوصفة اطبع الوصفة
  16. انسخ النصّ انسخ النصّ
  17. أبلغ عن الوصفة
  18. شاهد أخبار وصفتك
  19. احذف
عجبتك الوصفة؟
شوف كل وصفاتنا في مكان واحد
كل الوصفات →