→ كل الوصفات
مكنتش متخيله انو هايطلع حلو اكتييير كدا.. جربوه و مش هاتندموووو #ع_طريقتي
المقادير
- 3 كوب دقيق ابيض
- كوب ماء دافي
- م ص خميره
- 2 م ك سكر
- 3 م ك لبن بودرة
- بياض بيضه
- رشه ملح
- 1/4 كوب زيت ذره
- 1/2 كيلو لحمة مفرومه
- 1/4 كيلو بصل مفروم ناعم
- 3 حبات فلفل رومي ألوان مقطعة مكعبات صغيرة
- 1/4 كوب ورق بقدونس
- حبه طماطم
- ملح
- فلفل اسود
- كيس كنور بهارات حواوشي
- شطه ودي طبعاً حسب الرغبه
- صفار بيضه
- رشه قهوه
- حبه البركه أو سمسم
- م ص خل
طريقة التحضير
- اولا هانعجن العجين.. هانحط الخميره مع السكر في كوبيه لوحدهم ونحط معاهم شويا ماء دافيه ونقلبهم لحد ما تختمر شويا.. هانحط المكونات الجافه كلها مع بعض ننزل بنص كميه الزيت وبياض البيضه ونعجن ننزل بالخميرة وبعد باقي الماء ونعجن كويس نبدأ نلم العجينه بباقي كميه الزيت.. ونغطيها ونسيبها تختمر كويس
- نعمل اللحمة بقى في بوله غويطه هانحط اللحمة والبصل والفلفل والبقدونس ونقطع طماطم كدا صغنن خالص والبهارات والملح والفلفل الأسود ونعجن اللحمة كويس ونخليها ترتاح في الثلاجه شويا 😉
- هاناخد العجينه و نقرصها ونسيبها ترتاح شويا هانبدا نفردها و نجيب اللحمة ونفردها عليها وبعد كدا نأخذ عجينه تانيه ونفردها ونشيلها ونحطها فوق اللحمة نبدأ نقفل الأطراف كويس وندهن الوجه بالصفار مخفوق بالقهوه والخل ونرش حبه البركه وندخلها الفرن ونتابعها بقى لحد ما تستوي وبالهنا والشفا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد