→ كل الوصفات

الحواوشي الاسكندراني بطريقتي

#الشيف_الذهبي اطعم والذ وافخم حواوشي ممكن تأكله😍⁦♥️⁩ كرسبي من بره هشه من جوه في قلبك🔥

  • كيلو من الدقيق درجه الاولى
  • معلقتين كبار لبن بودر
  • معلقه صغيره ملح
  • ملعقة كبيرة سكر
  • معلقه صغيره بهارات لحمة او بهارات حواوشي
  • 2 مكعب زبده تقريبا 50 جرام
  • 5 معالق زيت ذره
  • كوب زبادي صغير
  • معلقه كبيره خل ابيض
  • باكو خميره فوريه
  • معلقه كبيرة ممسوحه بيكنج باودر
  • ماء مثلج حسب الاحتياج
  • 1/2 كيلو لحمة ويكون فيها نسبه دهن حوالي 30%
  • 2 بصله كبيره مفرومه ناعم
  • 4 فلفل الوان او احمر واخضر بس اي حاجه متوفرة
  • 2 فلفل اخضر حار اختياري
  • كوب من البقدونس المفروم ناعم
  • 3 معالق ثوم مفروم ناعم
  • ملعقة صغيرة بهارات لحمة او حواوشي
  • ملح وفلفل اسمر
  • معلقتين كبار من صويا صوص او صوص الباربكيو او الكاتشب
  • م ص بابريكا
  • معلقتين فول الصويا
  • ميكس جبن اختياري
  • مواتزيلا
  • زيتون اسود
  • بطاطس محمرة
  • بطاطس محمرة
  • صوص الصويا صوص أو الباربكيو او الكاتشب والمايونيز
  1. هنحط جميع المكونات (العجينه)كلها على بعض ما عدا الماء و نحاول نبيسها زي البسبوسه كده بحيث ان كل حبايه دقيق تكون متغلفه بالزبده بعد كده ننزل بالماء بالتدريج ونعجن كويس جداً لحد ما نوصل لقوام طري من غير تلزيق المهم نخدم العجين كويس بعد ما نخلص عجن ندهن البوله زيت ونحط العجينه ونحط من على وجه العجينه زيت ونغطيها باسترتش ونسيبها ترتاح ٣٠ دقيقه بعد ما ترتاح نكورها ونسيبها عشر دقائق ترتاح قبل الفرد
  2. هنخلط كويس جداً كل مكونات الحشوة مع بعض بعد كده نحط معلقتين من فول الصويا عشان يمتص اي سوائل
  3. هنفرد كورة وبعد كده نخرمها بشوكه بعيد عن الحروف ونحط حشوة اللحمة (والمواتزيلا والزيتون بس انا معرفتش اصورهم) بعد كده بنحط الطبقه التانيه ونقفلهم ببعض كويس بالشكل المفضل وبندهن الوجه ونرش حبة البركه والسمسم
  4. ندخله في فرن سخن بعد كده نخلي الحرارة متوسطه ونفتح المروحه بحيث الحرارة تتوزع بشكل افضل
  5. طبعاً الأهم من الشغل تظبيط الشغل فالرغيف ده بعد ما استوي حطيت على وشه بطاطس محمرة جبنة مواتزيلا مع ميكس جبن وزيتون ودخلته الفرن تاني تحت الشوايه خمس دقائق وطلعته حطيت المايونيز وصوص الباربكيو والف هنا وصحه على قلوبكم
  6. اتمنى تجربوه وتقولوا رايكم وانا متاكده انكم مش هتبطلوه تعملوه ابدا 🔥
عجبتك الوصفة؟
شوف كل وصفاتنا في مكان واحد
كل الوصفات →