→ كل الوصفات
#تحدي_العجين
المقادير
- 1 كيلو لحم بقري مفروم
- 200 جرام دهن مفروم
- 2 بصله مبشوره
- 2 طماطم مقطعة قطع صغيرة اوووي
- 2 قرن فلفل رومي مقطع قطع صغيرة اوووي
- 2 قرن فلفل حار اختياري 🔥
- معلقه صغيره ملح وفلفل اسود
- معلقه كبيره بهار لحم
- 0.25 معلقه قرفة
- 0.25 معلقه جوزه الطيب
- بهارات حواوشي
- بابريكا حار أو بارد اختياري 🔥
- كيلو دقيق
- 2 معلقه خميره
- معلقه سكر كبيره
- 0.5 معلقه صغيره ملح
- بيضه ورشه فانيليا
- 0.5 كوب زيت
- ماء حسب العجينه ماتلم معانا
طريقة التحضير
- نضع اللحم المفروم والدهن والبصل والطماطم والفلفل ونخلط المقادير جيداً في بعض ونصيف التوابل كلها ونقلب كويس. ونضعها في الثلاجه اللحمة لغايه العجينه ماتجهز
- نحضر نص كوب ماء دافئ ونضع فيه ملعقة السكر والخميره حتى تتفاعل
- ننخل الدقيق جيداً في وعاء ونضع في النص. الملح والبيض نضربه برشه الفانيليا وننزل بيه على الدقيق وننزل بالخميره المذوبه في ماء ونبدأ نعجن وننزل بالماء لغايه ماتبدأ العجينه تلم معانا وننزل بالزيت ونلم العجينه ونتركها نص ساعة تختمر الى ساعة
- نقطع العجينه كور على قد الرغيف ونولع الفرن على درجه حراره وسط ونجهز صينيه الخبز ندهنها زيت وتبدا نفرد العجين ونضع اللحمة ونضع رغيف اخر نغطي بيه وندهنها الوجه الرغيف بزبده أو زيت ونرش سمسم وندخلها فرن وسط من تحت الاول ربع ساعة يبدا يستوي نولع الشوايه تقريبا ياخذ من 20 الى 25 حسب فرنك ميطولشي في الفرن علشان مينشفشي منك وبألف هنا وشفا بقى....😋😍 اسكندراني راني راني 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد