→ كل الوصفات
طريقة عمل الحواوشي الاسكندراني سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو دقيق
- علبتين زبادي
- 3 معالق لبن بودرة
- كوب الا ربع زيت
- كيس خميره
- معلقه كبيره بيكنج بودرة
- رشه ملح
- 3 معالق سكر
- معلقه خل
- بيضه
- كوب لبن دافي
- كوب ماء دافي بس الكميه على حسب نوع الدقيق
طريقة التحضير
- بنأخذ الاول الخميرة والسكر وكوب دقيق(من الكيلو) وكوب لبن ونقلبهم كويس ونركنهم شوية على مالخميرة تتفاعل(خطوة تربية الخميرة) *في وعاء العجن نضع الدقيق والملح واللبن البودرة والبيكنج بودرة ونقلب كويس....وبعدين نضيف الزيت والزبادي وناخد بياض البيضة (ونسيب الصفار علشان ندهن بيه (وجه)الحواوشى )
- ونضيف مخلوط الخميرة اللي اتخمر ونقلب كويس ونضيف ماء دافئ بالتدريج ونعجن كويس (الماء شوية شوية ممكن يكون كوب أو نصف على حسب نوع الدقيق)لغاية مايتكون عندي عجينة ملساء لا تلتصق بالوعاء *نترك العجينة تختمر على مانحضر الحشو
- الحشو. عبارة عن سلامى أو لحمة مفرومة معصجة (بحب تكون مستوية أفضل) وفلفل ألوان مقطع قطع صغيرة وزيتون مخلى وجبنة موتزاريلا *باعمل خلطة عبارة عن.ثلاث ملاعق صلصة طماطم _معلقتين كاتشب _ومعلقة صغيرة ثوم بودرة _ونصف ملعقة زعتر
- بتكون العجينة ارتاحت وخمرت بقسمها العدد اللي انا عيزاه والحجم اللي افضله (المقدار ده بيعمل معايا ٧حجم كبير) *بفرد العحينة على قليل من الدقيق على شكل دايرة واضع عليها خلطة الطماطم (وابعد عن الاطراف)...وبعدين احط اللحمة المفرومة المعصجة وفوقها الجبنة وفوقها الفلفل الالوان والزيتون المشرح ده على نصف الدايرة فقط... ثم ارفع نصف الدايرة الفاضي واقفل على النصف الذى عليه الحشوة واقفل الاطراف كويس واخرم بشوكة الوجه العلوى للحوواوشى
- واضعه في صينية مدهونة زيت وادهن وشه(بصفار البيضة اللي كان عندنا واضيفله معلقتين لبن وقليل من النسكافيه)
- وادخله الفرن على ٢١٠على الشبكة والاحظه كويس بياخد حوالي ربع ساعة واول مايستوى اخرجه على فوطة نظيفة واغطيه علشان ماينشفش
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد