→ كل الوصفات
طريقة عمل الحواوشي الاسكندراني 🌮🌮 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو الا ربع لحمه مفرومه
- بصلتين
- طماطمايه
- 5 فصوص توم
- ملح وفلفل
- توابل حواوشي
- بابريكا
- كيلو دقيق
- معلقه كبيره خميره
- معلقه ك ممسوحه سكر
- ½ معلقه ك ملح
- ½ معلقه ص نصفها بودره بصل وبودره توم
- ½ لتر ماء دافيء
- ½ كوب زبده أو زيت أو زبده على زيت
- صفار بيضه
- رشه فلفل اسود
- لبن
- شويه زيت للدهان الوجه
طريقة التحضير
- بسم الله نفرم اللحمه المفرومه البصلتين والخمس فصوص توم والطمطاميه بس الطماطم نأخذ لحمها فقط ونشيل بذرها ومايتها ونحط الملح والفلفل والبابريكا وخلطه الحواوشي واغطيها وادخلها التلاجه
- وبعدين نحط الدقيق في بوله وعلي جنب نحط الملح و(نحط نصف المعلقه ص بودره البصل علي التوم) وده اختياري بيخلي طعم العجين في الوافي الفاضي طعمه حلو وفي الجنب الآخر نحط الخميره والسكر
- وبعدين ننزل الماء الدافي ونفضل نعجن لغايه ما تلم وبتكون العجينه بتلزق
- احط الزبدة الدافيه وأفضل اعجن ٤ دقاءق لغايه ما العجين يتشرب الزبده ويكون العجين بيمط اجيب طبق ادهنه زيت واحط العجين واسيبها تخمر ساعه
- وبعدين ابدأ اكور العجينه كل رغيف كورتين وبعدين ادهن الرخامه زيت واجيب كوره العجين افردها بأيدي واحط اللحمة وافردها علي العجين بأيدي واسبب الحوافي واجيب كوره تانيه افردها واقفل بها واحطها فوق العجينه اللي فردتها من قبل ووضعت عليها اللحمة وأحط الأطراف على بعضها واقفلها جيدا وبعدين اجيب الشوكة واخرم العجين علشان ماىينفخش في الفرن
- وبعدين اجيب خليط صفار البيض واللبن والزيت ورشه الفلفل وابدأ ادهن وجه العحين
- اشغل الفرن علي ١٨٠ وادخل الحواوشي لغايه ما وشه يحمر وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد