→ كل الوصفات

الحواوشي الاسكندراني

طريقة عمل الحواوشي الاسكندراني سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • للعجين
  • 3 كوب دقيق
  • 3 ملاعق لبن بودرة
  • ملعقة صغيرة سكر
  • ملعقة صغيرة ملح
  • رشة بودرة ثوم
  • رشة بودرة بصل
  • رشة زعتر
  • 0.25 كوب زيت
  • كوب ماء دافئ
  • للحشو
  • 0.5 كيلو لحم مفروم
  • حتة لية متوسطة الحجم مبشورة
  • 2 بصلة كبيرة
  • فلفل حار اختياري
  • كيس بهارات حواوشي
  1. في العجان هنضيف الدقيق والسكر والملح والتوابل والزيت ونعجنهم هنضيف المياه تدريجي لحد ما العجينة تلم معانا وتبقى عجينة طرية متماسكة وهنسيبها ترتاح نص ساعة قبل ما نشتغل بيها
  2. هنقطع العجينة 6 كور متساوية الحجم ونسيبها ترتاح تاني شوية قبل ما نفردها
  3. هنحضر حشوة اللحم باضافة كل المكونات على بعضها وهنجيب فحمة مولعة ونسندها على ورق فويل او قشرة بصلة ونطفيها بنقطة زيت جوه اللحمة وهي نية ونركن اللحمة في الثلاجة لحد ما العجينة تجهز
  4. هنفرد العجينة على شوية زيت لحد ما تبقى رقيقة خالص وهنفرد اللحمة جواها بعدين هنلم الاطراف كلها على بعضها ونركنهم في صاج او صينية مدهونين زيت
  5. هنسخن الفرن على درجة حرارة 200 وهندخل الحواوشي بعد ما ندهن وشه بالسمنة السايحة ونفرد الرغيف بايدينا كويس ويأخذ من 30 دقيقة لساعة الا ربع لحد ما وشه يحمر
  6. كل ما نحس ان وشه نشف وشرب السمنة ندهنه دهنة زيت على الوجه
عجبتك الوصفة؟
شوف كل وصفاتنا في مكان واحد
كل الوصفات →