→ كل الوصفات
طريقة عمل الحواوشي البلدي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو لحمة, مفرومه
- كيلو بصل
- 0.25 كيلو فلفل رومي, اخضر
- قليل سمنه او اي ماده دهنيه
- م ك دقيق
- م ص ملح
- م ص بابريكا
- م ص بهارات لحمة
- م ص سبع بهارات
- م ص كمون
- 0.5 م ص سماق
- 0.5 م ص فلفل اسود
- شطه, حسب الرغبه
- 16 رغيف عيش, للتقديم
- قليل زيت, للتبطين
طريقة التحضير
- هنبشر البصل, او نقطعه قطع صغيرة اوي. و نبشر الفلفل بردو, او نقطعه. و بعد كده نحط التوابل عليها و ملعقة الدقيق و نقلب في بعض كويس اوي اوي بالشكل دا. 👇🏻
- و بعدها نحط اللحمة و نخلطهم كويس, عشان اللحمة تأخذ من طعم التوابل و الفلفل و البصل. و ممكن تسبيها, لمده نص ساعة تتبل. و لو مش عايزه عادي و بتكون بالشكل دا. 👇🏻
- ملحوظه : اللحمة بتعمل عدد ارغفه حسب حجم الرغيف, يعني لو كبير زي هيعمل 16 رغيف. لو صغير, ممكن اكتر بكتير. فاعملي على حسب اللي انتي عايزه و فرزي الباقي
- بعد ما تخلصي كل الكميه, هتجيبي صينيه و تدهنيها بزيت بسيط. و تتحط في الفرن و نحط الحواوشي فيها و تقلبيه كل فتره, لحد ما تخلصي الكميه و يستوي من جوا
- هنجيب العيش و نفتحه على قد ما ايدك تدخل فيه. و تاخدي اللحمة و تحطي فيها اللحمة. و تدهني العيش من برا بالماده الدهنيه من جميع الجهات
- اهم حاجه, تبصي على اللحمة. و بعدها ممكن تكليه مع بطاطس و مخلل. و بألف هنا. 🌸
- ملحوظه اخيره : لو عايزه تعملي نص الكميه, او كميه اقل او اكتر, لازم تخلي البصل قد مقدار اللحمة. و ممكن تستغني عن الدقيق, عن طريق انك تصفي البصل من الماء بتعته عشان مش يبل العيش و يبقى طري اوي و مش مبلول كده. و لو عندك اي تكه, او طريقه تانيه قوليلي في الكومنتات. و الف هنا عليكوا. 🌸
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد