→ كل الوصفات
طريقة عمل الحواوشي البيتي احلى من المحلات 😋👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو لحمه مفرومه
- 1/2 كيلو بصل مفروم
- 1/4 كيلو فلفل اخضر مفروم ممكن اسبايسي او بارد حسب الرغبة
- 1/2 ملعقه صغيره بصل باودر
- 1/2 ملعقه صغيره ثوم باودر
- 1/2 ملعقه صغيره بابريكا
- 1/2 ملعقه صغيره كمون
- 15 رغيف عيش بلدي
- ملح وفلفل اسود حسب الرغبه
طريقة التحضير
- هنجيب اللحمه في بوله او طبق بيلاستيك و نحط كل التوابل او بهارات الحواوشي و الملح و الفلفل والبصل المفروم و الفلفل المفروم و ندمجهم بأدينه لحد ما يبقى كله متناسج تماماً
- هنجيب العيش نفتحه زي الي في الصوره و نحط كميه لحمه معقوله و نظبط ادينه علشان نعمل كل كميه العيش
- هنجيب زيت و ندهن العيش بيه من فوق و من تحت
- بنسبه ل التسويه في طرقتين الي تعجبك اعمليها الاوله هنجيب صينيه الفرن و ندهنها زيت و نرص الحواوشي فيها و نشغل الفرن على نار متوسطة و نركز معاه واول ما ياخد لون من تحت هنقلبه الناحيه التانيه و لمه ياخد لون يبقى استوى ويستحسن ان كل حواوشي يستوي نحطه في حله و نغطيها علشان مينشفش مننا وكدا الطريقه الاوله
- الطريق التانيه هنجيب طاسه تيفال يعني مش بتلزق. ندهنها زيت و على نار اقل من المتوسطة بشويه و نحط فيها الرغيف او اتنين حسب حجم الطاسه و هنغطيها و بعد شويه نبص من تحت اخد لون ذهبي هتقلبها الناحيه التانيه و لمه ياخد لون كله يبقى استوى. و كدا الطريقة التانيه
- ملخوظه ان طرقتين التسويه النتيجه واحده و بلهنا و الشفا على قلبكم ❤😋😍👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد