→ كل الوصفات

الحواوشي اللذيذ

طريقة عمل الحواوشي اللذيذ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو لحمة
  • ¼ كيلو بصل
  • 1 حبه فلفل حامي
  • 1 حبه طماطم
  • 5 فصوص ثوم
  • 100 جرام دهن أو ليه
  • فلفل اسمر
  • ملعقة صغيرة بهارات حواوشي
  • ملح حسب الرغبة
  • كيلو دقيق
  • كوب زبادي
  • كوب لبن دافئ
  • معلقه سكر
  • 2 معلقه خميره كبيره فوريه
  • ذره ملح
  • ¼ كوب زيت
  • ماء دافئ للعجن
  1. (اولا. الحشو)هنفرم اللحمة مع البصل والفلفل الحامي والثوم والطماطم من غير البذر فرم ناعم وبعدين نضيف البهارات ونقلب كويس جداً لحد ماكل حاجه تتجانس مع بعضها ونترك الحسون بقي على جنب متغطيه ويفضل وضعها في الثلاجه
  2. (ثانيا العجينه) كوب اللبن مع السكر والخميرة والزيت مع بعض ويقلب جيداً ويترك لمده عشر دقائق حتى يخمتر
  3. هنجيب الدقيق والزبادي والملح وهنقلب جيداً مع بعض ونفرك براحه اليد جيداً لمده خمس دقائق ثم نسكب اللبن المتخمر وتكمل عجن ونضيف الماء حبه بحبه على حسب احتياج العجينه لحد ما نكون عجينه طريه ومرنه (اهم حاجه نعجن كويس جداااااا لحد ما العجينه تلم وتبقي ناعمه جدااااااا) ويترك ليخمر جيدااا وحجمه يتضاعف
  4. (ثالثا التحضير) هنقرص العجينه كور متساويه وتترك لمده خمس دقائق تتخمر من جديد واللحمه تكور بكور اصغر من كور العجين
  5. هنجيب الكور ونفردها لحجم متوسط ونضيف اللحم وبعد كدا نشكل اي شكل نحبه وتراعي عند غلق الاطراف الضغط جيدااا بشوكه مثلا علشان ميفتشح منا واحنا بنسوي
  6. (رابعا التسويه) اما في الطاسه على البوتجاز هنسخن الطاسه جيدااا وتفضل أن تكون غير لاصقه ثم نضع الحواوشي ويترك لمده خمس دقائق ويقلب على الوجه الاخر وهكذا حتى يتم النضج (النار متوسطه)
  7. الطريق الثانيه نسوي في الفرن هنرص الحواوشي في صيجان أو صواني مدهونه جيداااا بالزيت أو ماده دهنيه والفرن يكون متسخن جدااا نحط الحواوشي ونهدي النار ويترك حتى ينضج ويحمر من جميع الجوانب
  8. وبالف هنا على قلوبكم ⁦☺️⁩
عجبتك الوصفة؟
شوف كل وصفاتنا في مكان واحد
كل الوصفات →