→ كل الوصفات
طريقة عمل الحواوشي من العجينه لحد السوا😉😉 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 كوب دقيق
- 1 م خميره فوريه
- 1 م سكر
- 1 م ص ملح
- 0.5 كوب لبن حليب
- 0.25 كوب زيت
- ماء دافئ
- لحمه مفرومه
- بصلة كبيره مفرومه
- توميه كبيره مفرومه
- 3 حبات طماطم
- 3 فلفل اخضر
- شطه حمرا
- فلفل اسود
- كمون
- متنسوش الخضرا طبعا عشان اللحمه المفرومه
طريقة التحضير
- في طبقٍ حطي الدقيق والخميره والملح والسكر وقلبيهم كويس مع بعض دقيقتين
- أضيفي اللبن الساخن والزيت وقلبي الدقيق عشان يتشبع باللبن والزيت كويس حوالي دقيقتين كدا ويا سلام لو حطينا ملعقة سمنه سايحه ونقلب🤤🤤
- أضيفي الماء الدافي واحده واحده لحد ما تعمل عجينه محترمه نتمزج بيها 😉😉 ويا سلام لو حطينا معاها شويه سمسم 🤤🤤
- غطي العجينه كويس في مكان دافي عشان تخمر ساعه كدا ويللا بينا على اللحمه المفرومه💪💪💪
- دلوقتي بقي هنجيب البصلة والتوميه وشويه التوابل المحترمين مع الخضره بعد ابوس ايديكو نعسلها بالخل 😅😅وفي الكبه ونضرب ومتنسوش الملح
- بعديها علطول نحط على الخلطه في الكبه اللحمه المفرومه وبعدين نطلعها على التلاجه شويه
- نجيب طاسه نحمر فيها بصلة صغيره وطماطمايه وفلفلايه بعد ما يدبلوا شويه احط عليهم اللحمه المفرومه اللي كانت في التلاجه واوطي النار واغطيها تاكل في نفسها شويتين تلاته 😂😂
- بعد كده نروح على العجينه نقسمها كور ونسيبها شويه لحد اللحمه ما تبقي مستويه
- بعد كده نجيب كل كوره ونفردها دايره ونحط اللحمه في نص دايره ونقفلها على شكل هلال
- ونحط على الوش بالبيض عشان يحمر ويا سلام لو حطينا شويه حبه البركه 🤤🤤ومتنسيش الشوكه عشان متتنفخش 😂😂
- على النار من تحت نحط الصينيه على ٢٠٠ كده او ١٨٠ لحد ما تبقي تمام وبعديها نشغل الشوايه تاخد وش ❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد