→ كل الوصفات

الحواوشي

# اطباق رمضان

  • كيلو لحمة مفرومة ومعه 100 جرام دهون
  • 3 بصلات كبار
  • 2 ثمرة فلفل رومي وممكن حامي حسب الرغبة
  • ملح
  • فلفل
  • قرفة مطحونة
  • بهارات،زعتر(شطة حسب الرغبة)
  • 1/2 كوب زيت
  1. نضرب البصل والفلفل في الكبة لحد ما ينعم ونضيفه على اللحم
  2. نضيف الملح وكل البهارات ونقلب كويس جداً ونحطه في الثلاجة حوالي ساعة
  3. نحشي العيش ونختار دايما عيش طري
  4. في بولة كبيرة او طبق غويط نحط كوبين مياه وعليهم نصف كوب زيت ورشة ملح وفلفل ونقلبهم كويس ونغطس فيهم العيش ونخرجه بسرعة يادوب يتبل بس (الخطوة دي مهمة علشان العيش مينشفش)
  5. ندهن صينية الفرن زيت ونرص فيها العيش اللي نزلناه في المياه (خدي بالك بلي عدد ارغفة على قد الصينيه متحطيش الكمية كلها في المياه علشان العيش ميبوش. يعني اول بأول على قد صينية الفرن)
  6. ندخل الصينية الفرن على ١٦٠ او فرن اقل من المتوسط حوالي ربع ساعة وبعدين نقلب الارغفة على الوجه التاني وندهن تحتها طبعاً لمدة ١٠ دقائق
  7. نطلع ارغفة العيش ونكرر الخطوة لحد ما نخلص الكمية. بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →