→ كل الوصفات
وصفه جداً رائعه، الشرح طويل، للتطبيق سهله 🌸💙
المقادير
- مقادير الدجاج التركي
- دجاج مقطع 8 قطع "العدد حسب الرغبه"
- 3 حبات بندورة مقطعه كبيرة
- بصلة كبيرة او بصلتين كبار مقطع كبير
- 2 قرون فلفل حار "ممكن الاستغناء عنه"
- حبة فليفله كبيرة
- باكيت صلصة بندورة
- علبة لبن صغيرة
- 0.5 كوب خل
- 0.25 كوب زيت زيتون
- 2 ملعقه صغيرة زعتر يابس
- معلقة صغيرة فلفل اسود
- معلقة صغيرة بهار مشكل
- معلقه صغيرة بهار كبسة مطحون
- 1/2 م.ص قرفه
- ملعقة صغيرة كاري
- 1/2 م.ص كركم
- 1/2 م.ص كمون
- ملعقة صغيرة بابريكا حارة "اختياري"
- ملح حسب الرغبه
- كوب ونصف ماء
- مقادير رز الكبسة
- رز بسمتي منقوع"حسب عدد الأفراد"
- لكل كاسة رز جزرة حجم وسط مبروشة خشن
- لكل كاسة رز نصف حبة فليفله مقطعه مكعبات صغيرة
- بصلة مبروشة خشن
- سنين ثوم مبروشين ناعم
- بهار كبسة
- قرفة بودرة
- ماجي
- كاري
- بابريكا حارة "اختياري"
- ملح
- كل البهارات حسب كمية الرز
- شوربة دجاج مسبقة التحضير او شوربة ماجي"طريقتها ضمن الخطوات تحت"
طريقة التحضير
- بالخلاط بنحط مقادير الدجاج التركي كلها وبنخلطها خلط خشن "ما عدا الدجاج"
- بنعمل بالجاج فتحات وبنحطو بالصنية يلي بدنا نطبخ فيها، بنحط عليه الخليط يلي بالخلاط وبنغطي الصنية بورق ألامنيوم، وبنحطها على الغاز لحتى تستوي"ممكن انو ننقع الدجاج قبل بيوم بيطلع أطيب"
- بعد م تستوي بنشيل الدجاج من الصنية وبنحمرو "الخلطه يلي بتضل كتير طيبة مع الرز يعني بنسكبها بصحون وبنقدمها مع الرز"
- رز الكبسة ب طنجرة ببرش لكل كاسة رز جزرة ونص حبة فليفله مقطعه مكعبات ، وبنحط مع الكمية كلها برش بصلة وبرش حبة بندورة وبرش ثوم ، وبحط عليهم زيت قلي الكمية يلي نستوي فيها كمان الرز ، وبنضل نحوس فيهم ليتذبلو ، بنحط بهارات الكبسة ، وكاري،وقرفة مطحونه، وبابريكا حارة "حسب الرغبة"بنحركهم شوي وبنطفي الغاز ، بنكون ناقعين رز بسمتي وبنصفيه ، وبنخلطو مع الخضار الى عملناهم
- بنكون مجهزين شوربة دجاج او شوربة ب ماجي ويلي هي"بصل وثوم وبندورة بنقطعهم مكعبات كبيرة وبنحوسهم شوي بعدين بنحط مي سخنه وماجي وملح وبهارات كبسه وقرفه عيدان وورق غار وحب هيل ، بنخليهم على الغاز لحتى يستوي البصل يلي فيهم" لما نحط الشوربه على الرز بنصفيها ، وما بننسى الملح للرز ، وبنولع الغاز عليهم ولما يستوي الرز بنقدمهم مع الدجاج التركي
- صحه وعافيه💙🌸
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد