→ كل الوصفات
دوناتس الخفيفة لما بتتخبز عن اللي بتتقلي بكتير وطعمها حلو اوي بإذن الله هتعجبكم♥️ الوصفة دي بتعمل ١٠ او اكتر بحاجه بسيطة قطع #مخبوزاتي_الجميلة
المقادير
- 2 م ك دقيق (120 جم) مخبوزات او متعدد الاستخدامات
- 1/2 كوب ماء (100 مل)
- 3 اكواب دقيق مخبوزات او متعدد الاستخدامات (375 جم)
- م ص بيكنج بودر
- م ك خميرة (10 جم)
- 4 م ك سكر (40 جم)
- بيضة
- رشة ملح
- م ص فانيليا
- م ك زبدة ممتلئة (30 جم)
- 1/2 كوب + 3 م ك حليب دافي (130 مل)
- كريم باتسيير او مربى حسب الرغبة
- صوص شوكولاته حسب الكمية
- فارمسيل حسب الرغبة
- طبق فيه خليط سكر وقرفة
طريقة التحضير
- نجيب كاسرولا احط ٢ م ك دقيق و ١/٢ كوب ماء واقلبهم كويس لحد ما يختلطوا و احطهم ع نار واقلب لحد مايطلع معجون قوامه ناعم بدون اي تكتلات
- افرد المعجون ع طبق مسطح ونسيبه يبرد تماماً
- هجيب الحليب دافي واحط عليه سكر والخميرة هتلاقي حصل فوران يبقى كده حليب دافي كويس اقلب كويس واغطيهم واخليه يتفاعل
- اجيب بولة كبيرة احط خليط الخميرة و احط عليه بيضه و اخفقهم كويس لحد ما البيض يختفي تماما
- وبعدين احط فانيليا ورشة ملح و معجون دقيق والمية اللي عملناه و نخلطهم كويس لحد ما تتأكدي ان معجون دقيق داب خالص وبقى سايل و بعد كده انزل بالدقيق بالتدريج والبيكنج بودر وألم دقيق مع خليط سائل الاول
- وبعدين ابدأ اعجن بايدي هتحسي إن العجينة بدأت تلزق ف ايديك هنوقف عجن ونغطيها ونسيبها ترتاح ١٥ دقيق
- وبعدين احط عليها م ك زبدة ممتلئه و ارجع اعجن تاني بس هوزع زبده كويس وهدهن سطح رخام بشوية زيت واحط العجينه وابدأ كل شوية ألمها واخبطها ع رخام لمدة ٧ دقايق علشان نضمن إن زبدة دخلت ف العجينة كويس ومايكونش ليها اي اثر وتكون عجينة طرية و ملمسها بيلزق بسيط اوي ف الايد وبعدين ف بولة فيها زيت خفيف اوي هحط العجينة واغطيها واسيبها تتخمر ٤٥ دقيقة
- بعدين اخرج اي هوا جوة العجينة والمها كويس واوزع دقيق ع رخامه وافرد العجينة بالنشابة سمك وسط حوالي ٢سم ونسيبها ٣ دقايق ترتاح علشان ماتعملش استرتشات وتفضل تمط و تنكمش مع نفسها وبعدين اقطعها بالقطاعات دوناتس او اخليها دايرة و بالنسبة للزيادات هلمها و اسيبخا ترتاح ١٠ دقايق واعيد خطوات ونرصصهم في صينيه فرن ماتكونش خفيفه علشان ماتتحرقش من تحت وتكون عليها ورق زبدة وغطيها بنايلون وسيبها ترتاح ٤٥ دقيقة
- ونسخن الفرن ع ١٨٠ مسبقاً ونستخدم الرف الاوسط نحط دوناتس هتاخد حوالي ١٠ : ١٢ دقيقة لو صينية خفيفه خليها ع رف اللي فوق الاوسط ونار هتكون من تحت بس وف اخر دقيقتين هنشغل اللي فوق ياخد لون وبعدين نطلعها نغطيها بفوطة جافة علشان تحتفظ بقوامها الطري وهي دافيه هندهن اللي بيتحشوا اللي هما دايرة بزبدة و في سكر وقرفة نزينها او ممكن ندهنها بصوص شوكولاته ونزينها بفارمسيل و تقدري تحشيها ب كريم باتسيير او مربى و بألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد