→ كل الوصفات

الدونتس الرهيب 🙈😋😋🍩

طريقة عمل الدونتس الرهيب 🙈😋😋🍩 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 صفار بيض
  • 2 بيضه
  • 40 جرام سكر
  • 2 جرام ملح
  • 150 جرام لبن دافئ
  • 13 جرام خميرة فورية
  • 400 جرام دقيق
  • 50 جرام زبدة بدرجة حرارة الغرفة
  1. الطريقة في بوله نحط البيض مع الصفار مع السكر مع اللبن مع الملح مع الخميرة ونقلب بالمعلقة ونحط الدقيق ونعجن هتبقي بتلزق
  2. نغطيها 10 دقائق وبعد كده نحط الزبدة ونعجن كويس لمدة 8 دقائق نجيب طبق ندهنه زيت ونحط فيه العجينه
  3. ونسيبها تتخمر لمدة ساعة ونصف بعد كده نفردها بس مش رفيعه اوي و بعد كده نقطعها دوائر ب اي قطاعه اوي اي حاجه مدوره بس تكون مفتوحه من فوق متكونش مقفوله يعني مش كباية بعد كده يكون جمبنا طبق في دقيق نحط في القطاعه ونقطع في كل مره نعمل كده عشان القطاعه متلزقش في العجين بعد كده نحط كل دايرة في ورقة زبدة صغيرة لكل دايره ونسيبها تتخمر تاني لمدة نص ساعة و 5 دقائق بعد كده نشيلها بالورقه
  4. نحطها في الزيت الساخن بسيط و نخفف النار خالص زي الرز كده اول ما تنزل في الزيت نشيل الورق ب مساكه القلي بعد كل نديها تشميعه يعني اول ما تنزل في الزيت 2 ثواني ونقلبها على الوجه التاني 2 ثواني ونقلبها تاني لحد ما تأخذ لون ذهبي خفيف جداً ونقلبها على الوجه التاني تأخذ لون ذهبي خفيف جداً برضو ونطلعها على ورق زبدة تصفي الزيت بعد كده نسيبها تبرد لحد ما تبقي دافيه ونخرمها بسيط كده ب اي عود خشبي او
  5. اصغر سكينه عندك و بعد كده نحشيها نوتيلا ب كيس حلواني وبعد كده نحطها في سكر ناعم الحبيبات مش بودر وبس كده خلاص 🍩
عجبتك الوصفة؟
شوف كل وصفاتنا في مكان واحد
كل الوصفات →