→ كل الوصفات
طريقة عمل الدونتس سهل وسريع سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 5 كوب دقيق
- 2 كوب لبن دافي
- 1/4 كوب سكر
- معلقة كبيره خميرة فورية
- 1/4 كوب زبدة
- بيضة واحدة
- رشة ملح
- فانيليا
- شوكولاتة سايحه
- فورماسيل وممكن سكر بودرة
طريقة التحضير
- في وعاء نظيف يوضع كوبان فقط من الدقيق وعليهم كوبين اللبن الدافي والسكر والخميرة الفوريه ويقلب جيداً ويترك ربع ساعة علشان الخميره تشتغل أسرع
- بعد كده على نفس الخليط نضيف باقي الدقيق والبيضه والفانيليا والزبده ورشة الملح ونعجن كويس لحد ما تتشكل عجينه ناعمه وطريه
- نقسم العجين لجزئين ونفرد بالنشابه على سطح أملس عليه رشة دقيق ونشكل بقطاعة الدونت لو مفيش نقطع عادي بكوب دائري واسع وبعدين بأي غطا صغير نقطع جواه كمان بالشكل ده
- ونرص الدونت في مكان على ورق أو مناديل مطبخ علشان يسهل نقله للطاسه اللي هنقلي فيها بعد كده ونسيبه يرتاح كمان نصف ساعة
- ده بعد التخمير بيكون اتنفخ كده
- في زيت غزير على النار نقلي الدونت وبتتقلي بسرعه مش بتأخذ وقت خالص ونقلي كمان الوحدات الصغيره بتكون جميله جداً بالسكر البودرة
- وده الشكل بعد القلي
- نكون محضرين الشوكولاتة السايحه والفورماسيل ونغمس الدونت في الشوكولاتة وبعدين الفورماسيل
- ونحطه في طبق التقديم وبجد موفر جداً لأن الدونت بيتباع بأسعار عاليه والمقادير دي بتعمل حوالي ٢٠ واحدة
- وبألف هنا على قلوبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد