→ كل الوصفات

الرز الاصفر بالكبد والقوانص

#وصفات_بالاصفر

  • 3 اكواب من الرز المصري المغسول
  • كيلو كبد وقوانص دجاج
  • بصله مفرومه صغيرة
  • فصين ثوم مفرومين
  • معلقة ص ملح
  • معلقة ص بهارات لحمة
  • معلقة ص فلفل اسود
  • معلقتين كبار سمنه
  • 3 معالق كبار زيت
  • لوز للتزيين
  • رشة بودرة الزعفران
  1. تغسل الكبد والقوانص وتنقع في خل وليمون للتخلص من الظفاره
  2. تشطف جيداً وتقطع الكبد وتترك في مصفاه للتخلص من اي ماء زائد
  3. اما القوانص تسلق في ماء مغلي وررق لوري وفصين من الحبهان ثم تصفي وتقطع الى قطع صغيرة
  4. في طاسه على النار ضيفي الزيت وسخنيه كويس جداً وانزلي بالكبد تتصدم وتأخذ لون ومتقلبيش فيها علشان متنزلش مايتها
  5. بعد ما الكبد تتشوح ضيفي القوانص المسلوقه وقلبي ضيفي البصلة المفرومه وقلبي لحد ما البصل يذبل
  6. ضيفي الثوم والملح والفلفل والبهارات وقلبيها تقلبتين واطفي عليها
  7. ضيفي في حله على النارالسمنه سخنيها وانزلي بالرز قلبيه مدة خمس دقائق
  8. ضيفي ملح وفلفل اسود ومكعب مرقة ورشة من بودرة الزعفران وفصين حبهان واغمري الرز بالماء المغلي وقلبيه وسيبيه ياخذ غلوتين وهدي عليه النار وسيبيه يستوي على نار هاديه
  9. بعد الرز ما يستوي تماما اغرفيه في طبق التقديم وضيفي عليه الكبد والقوانص المحمره وزينيه باللوز وقدميه بالف هنا
  10. ملحوظة هامه اوعي تضيفي الكبد اثناء تسوية الرز علشان هتظفر معاكي الزر وتخليه يعجن ضيفي الكبد عند التقديم فقط
عجبتك الوصفة؟
شوف كل وصفاتنا في مكان واحد
كل الوصفات →