→ كل الوصفات
#ارز #رز #رز_بالبصل #رز_السمك - رز بالبصل
المقادير
- 2 كوب ارز
- بصله كبيره
- معلقه قرفة
- ملح وفلفل اسود حسب الرغبة
- م ص كمون
- م ص بهارات سمك او بهارات عاديه
طريقة التحضير
- نيجى بقى للرز اللي بيحلى اكله جنب السمك وهو الرز البنى.. هنجيب كوبين رز نغسلهم ونصفيهم كويس ونحطه على جنب ونجيب بصلةكبيره نقطعها صغير وفي حله ساخنه نحط شويه زيت وننزل بالبصلايه ونسيبها شويه لحد ما تأخذ لون بس مش لدرجه الحرق عشان متبقاش مضره
- ونيجى بقى لأساس لون الرز البنى اللي بيلمع بقى هنحط شويه قرفة على شويه توابل سمك (بنجيبها من العطار) مقدار ملعقة صغيرة ونقيس عليهم الملح والفلفل وشويه كمون صغيرين يظبطوا التيست معانا ونقلبهم مع بعض كويس وننزل بالرز
- ونديله تشويحتين كده مع الخلطه بتاعتنا ونحط مقدار ماء قد مقدار الرز وبعد ما الماء تتشرب بنوطى النار عشان يستوي على مزاج 👌 وبألف هنا الطماطمايه لزوم التزيين😂😂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد