→ كل الوصفات
#وصفات_بالأرز
المقادير
- كيلو صدور فراخ
- صلصه طماطم او كاتشب
- ملح وفلفل اسود حسب الرغبة
- زعتر
- رشة سكر
- ملعقة صغيرة ثوم بودرة
- ملعقة صغيرة بصل بودرة
- ملعقة صغيرة بهارات
- ملعقة صغيرة بابريكا
- 2 كوب دقيق
- 1/2 كوبايه + 3 ملاعق نشا
- 2 كوب رز مصري او بسمتي
- 2 معلقه زيت
- بصله كبيرة متقطعه
- ملعقة صوص باربكيو
- ملح حسب الرغبة
- رشة فلفل
- رشة بابريكا
- رشة ثوم بودرة
- رشة كاري
- رشة كركم
- مكعب مرقه
- ماء الرز
طريقة التحضير
- اولا هنتبل الفراخ و هنحتاج كل البهارات المكتوبه في المكونات على بعض مع صلصة الطماطم لو عامله كيلو فراخ حطي ملعقة كبيره صلصة طماطم و ملعقة صغيرة من كل تابل السكر اهميته انه بيسوي الفراخ حلو رشه سكر مش هتبان و هنقلب الفراخ مع التوابل و نسيبها في الثلاجه يتبلوا حلو ساعة على الاقل و يبقى تمام اوي لو سبتيها فتره طويله عشان الفراخ تتبل حلو
- الخطوه الى بعد كده هنحضر الخلطه لتحمير الفراخ هنحتاج خلطتين جافه و بماء الى بماء هنضيف كوب دقيق و 3 ملاعق نشا و من كل البهارات نحط برضو تاني بس متكتروش اوي و ماء بقي على المكونات دي عيزين قوام متوسط مش تقيل ولا خفيف والجاف كوب دقيق ونص كوب نشا و نحط الفراخ في الخلطتين ونغطيها كويس ونحطها في طبق وندخلها الثلاجه عشان الخلطه تمسك فيها كده ولما بتنزل في الزيت وهي سقعانه بتعطي قرمشه حلوه
- بعد كده نعمل الرز في حله على النار هنضيف الزيت ٢ ملعقة و بعدين البصل و نقلب لغايه لما تذبل و بعد كده نضيف صوص الباربكيو والملح والفلفل والكاري والكركم وثوم البودرة والمرقه والبابريكا ونقلب كويس
- وبعد كده ننزل بالرز طبعاً مغسول و متصفي من الماء بتاعته ونقلب كله مع بعضه لغايه لما الرز ياخذ كل التوابل ونضيف الماء ونسيبه بقي يستوي
- طبعاً الفراخ هنزلها في زيت سخن ويبقى كده وصفتنا خلصت والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد