→ كل الوصفات
الطريقه الاصليه بطريقه الشيف محمد الديب حقيقي نفس الطعم واحلى كمان 💙
المقادير
- 600 جرام رز
- 3 اكواب وربع ماء
- بصله متوسطه
- فصين توم
- 6 مكعبات مرقعه دجاج
- ¼ كوب هوت صوص
- 2 معلقه ونص كبيره صويا صوص دارك
- معلقه زبده
- 500 جرام صدرو فرخه
- معلقه ونص شطه
- ½ معلقه توم
- ½ معلقه ملح
- 2 كوب دقيق عليهم نص معلقه نشأ
- ¼ كوب باربكيو
- 2 معلقه عسل
- ¼ كوب باربكيو
- 2 معلقه عسل
- 2 معلقه صوص حار
طريقة التحضير
- اول حاجه بقطع الصدور نصها صوابع و النص التاني مكعبات للرز
- بحضر تتبليه الفراخ الاستربس بحط الشطه و عليها التوم ال بودر و الملح و كوب ماء و اسيبها ساعتين في التلاجه
- الرز بقا بغسلو بس من غير ما انقعو و في الحله بحط ٣ اكواب و ربع مياه و اول ما تبدأ تغلى بضيف الفراخ المكعبات و معاها البصله و فصين التوم و بعدها بستنى ٣ دقايق و اقلب عشان الفراخ متلزقش و بضيف ٦ مكعبات مرقعه و مش هتبقا حدقه خالص و ربع كوب هوت صوص و معلقتين ونص صويا صوص دارك و بكون مسيحه معلقه كبيره زبده بضيفها على المياه و بستنى دقيقتين و بعدها بضيف الرز و بسيبه لحد ما يشرب الميه بعدها بهدي عليه لمده ربع ساعه بعدها بشوفو استوى ولا لسه و لو لسه عادي بضيف شويه ميه واستني عليه
- بالنسبه الفراخ بطلعها من التلاجه و بجيب طبق احط في الدقيق و النشا و طبق تاني في ميه و بمسك الفراخ اعد اقلبها في الدقيق بدوم ضغط نهائي و بعدها بنزلها في الميه لمده ثانيتين وبشلها وبرجع احطها تاني في الدقيق وبقلبها تاني من فوق لتحت وبعد كده بنفض من عليها الدقيق بتديني شكل التعريج بتاعه الغلاف وبعدها بحطها في الزيت و و بعد ما بطلعها بسيبها تبرد و اقطعو قطع كبيره
- بنسبه للصوص الحلو بضيف العسل على الباربيكيو و الحار بضيف بس عليها زياده معلقتين صوص حار
- بقدمه جمب فرايد اتشيكن و بالهنا والشفا 💕
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد