→ كل الوصفات

الرز بلبن بطريقه تحفه 😋👍

بجد طعمه وهممممم ميفرقش عن بتاع المحلات وبطريقه مضمونه جداااا 👍🌷

  • 2 ك لبن
  • كوب أرز مغسول ومنقوع ومتصفي
  • كوب سكر او حسب التحليه
  • معلقه ك عسل جلوكوز
  • 3 معالق ك لبن بودرة
  • 3 معالق ك كريم شانتيه خام
  • 2 معلقه ك نشا
  • رشة فانيليا بسيطه
  • المتاح والموجود عندك زيني بيه
  1. بسم الله نضع اللبن على النار وننزل بالرز عليه ونفضل نقلب لحد اللبن ميغلي نطفى النار ونغطي عليه ونسيبه ساااااعه 🌷☘️
  2. نفتح عليه بعد الساعه هنلاقي حجم الرز تضاعف وتقريبا استوى نهدي النار ونستمر في التقليب لحد الرزايه متتهري منك خالص تنزلي بالسكر واللبن البودرة والفانيليا وعسل الجلوكوز لو متاح طبعاً والكريم شانتيه تدوبي في نص كوب لبن او ماء والنشا كذلك وايدك طبعاً تستمر في التقليب 🌷☘️
  3. تطفى عليه النار ويهدي شويه تبدأى تغرفي اطباقك وتزيني زي متحبي مكسرات او زبيب وجوز هند او مشمشيه زي متحبي وصحتين وهنا 🌷☘️
عجبتك الوصفة؟
شوف كل وصفاتنا في مكان واحد
كل الوصفات →