→ كل الوصفات
الرز بلبن مفيش حد بيختلف عليه والنهاردة هنعمله بطريقه سهله جداً وخطوات واضحه واكيد هتعجبكم يلا نبدأ
المقادير
- ¼ كوب رز مصري
- 2 كوب لبن بودرة
- 3 اكواب ونصف ماء
- ½ كوب سكر
- ½ كوب كريمة او علبه قشطه
- كوب لبن كامل الدسم
- 4 معلقه كبيرة نشا
- 7 حبات مستكه مطحونه او رشه فانيليا
طريقة التحضير
- اول حاجه هنسلق الرز في الماء هنحطها على النار لحد ما يكون قرب يستوي
- هنحط الماء واللبن البودرة والسكر والمستكه المطحونه خالص وممكن نطحنها مع شويه سكر بودرة من ١من الكميه او ممكن الفانيليا حسب ماتفضلي والنشا واللبن والكريمه هنخلطهم لحد ما الرز يستوي
- هنحط الرز على المكونات ونحطها على نار متوسطه وهنفضل نقلب نقلب لحد ما يتخلط ويبدا يغلي هنوطي النار ونسيبه حوالي خمس دقائق واحنا بنقلب لحد ما يتقل شويه
- مش بيكون تقيل اوي هو بيظبط في الثلاجه المهم هنحطه في الاطباق او الكاسات وهنحطها في الثلاجه
- ممكن بقي يتقدم عسل ومكسرات ممكن ايس كريم ومكسرات اللي بتحبه انا حبيتها سادة وبس كده الف هنا وشفا يارب يكون عجبكم 😍❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد