→ كل الوصفات

الزبادي البيتي 🥛🍯

بما اننا داخلين على رمضان ربنا يجعل دخلته خير علينا يارب ، نجرب بقي الزبادي وهو طبعاً طريقته واحدة بس نجرب ليه اطعمة جديدة انا عملته المرة دي بطعم عسل النحل 😋#تجهيزات_رمضان #٣_وصفات

  • كيلو لبن دافئ
  • كوب زبادي (علبتين زبادي)
  • سكر
  • عسل نحل
  • فاكهة
  • بيوريه الفاكهة المسكرة (هقول طريقته تحت)
  • شربات اي نوع لاضافة لون وطعم
  • صوص شوكولاتة
  1. نجيب اللبن السايب الكامل الدسم احسن حاجة عشان يبقى الزبادي مظبوط ونغليه ونسيبه لحد لما يبقى دافئ ونضيف الزبادي ونص كوب عسل نحل ونقلب كويس جداً ونبدا نغرفه في اواني فخار او زجاج او بلاستيك واهم حاجة تغطيه ونسخن الفرن شوية ونطفيه وبعدين ندخل الزبادي اافرن لمدة ١٢ ساعة يعني ممكن تعمليه من بالليل وتدخليه الثلاجة الصبح لما يمسك وبس كدة ،
  2. يمكن اضافة اي نوع من الاضافات السابقة اثناء تحضير الزبادي ، او بعد لما يطلع من الثلاجة اثناء الاكل ،
  3. بيوريه الفاكهة :اي نوع فاكهة مقطعة وتحطي عليها سكر وترفعيها على النار لحد لما تتقل ،
  4. الزبادي البيتي بجد احلى والذ وانضف من برة وطبعا ممكن تضاعفي الكمية حسب رغبتك وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →