→ كل الوصفات

الساليزون بعجينه الميل فاي او الفيتاج

#الشيف_الذهبي انا واولادي من محبين الساليزون وكان عيد ميلاد ابني زياد امبارح 21 سنه وقالي يا ماما لازم تجربيه واكيد حينجح معاكي وانا مقدرش ارفض له طلب واول مره اجربه هو متعب شويه لكن التجربه تستاهل ونال اعجاب ابني والجميع والحمد لله انه عجبهم اتمنى تجريوه لكن في الشتا لانه في الصيف صعب جدا وبجد طعمه حلو جداااا 💖💖💖💖💖💖💖💖

  • 500 جرام دقيق فاخر
  • 120 مللي ماء تقريبا ويكون مثلج
  • 50 جرام زبده
  • معلقه خل كبيره
  • 1/2 معلقه صغيره ملح
  • 250 جرام زبده طبيعي وتكون بارده
  • 150 جرام زبده مارجرين وتكون بارده
  • 3 معالق كبار دقيق
  • جبن وزتون
  • روزبيف او سلامي
  • بيضه
  • رشه ملح وفلفل اسمر
  1. بسم الله ::نحضر بوله ونضع مكونات الدقيق ونعجن جيدا بلماء المثلج والماء حسب الاحتياج ممكن 120 مللي او اكتر
  2. تصبح عجينه متماسكه ومش طريه ونسبها ترتاح نص ساعه
  3. نحضر خليط الزبده ونعملها مسطتيل ونبردها في التلاجه
  4. نفرد العجين بسمك 3 سم
  5. ثم نضع عليها خليط الزبده البارد
  6. ونقفل عليها من الجوانب جيدا وتكون الزبده في النص متوصلش لاطراف العجينه
  7. نفردهابلنشابه برفق شديد عشان متخرجش الزبده من العجين ونفردها مسطتيل حناخد النص الاول نطبقه وناخد النص التاني ونقفل النصين على بعض وبرفق
  8. حتبقى على شكل ظرف نسبها في التلاجه ترتاح ساعه
  9. نقرر نفس الطريقه اربع مرات نفرد مسطتيل ونطبق ونضعها في التلاجه حتى تمتزج الزبده مع العجينه وكل مره نعمل علامه عشان مننساش العدد
  10. واحنا بنفرد العجين نرش دقيق عشان العجين ميلزقش واحنا بنطبق نمسح الدقيق كويس جدا لان الدقيق بيفصل الزبده عن العجين
  11. نبتدي بعد خامس مره نشكل اشكال الساليزون وندهن بخليط الدهن ثم نضع الحشوات
  12. الحشوات حسب الرغبه وندخله الفرن على درجه حراره متوسطه لمده تلت ساعه
  13. ملحوظه ::فرد العجين في جو بارد او تكيف:إذا لاحظنا الزبده حتخرج من العجين نطبقها وندخلها التلاجه :بنضع دقيق مع الزبده لان الزبده الصفرا فيها نسبه من الماء وممكن تخرج من العجين : العجينه ممكن نعمل منها الميل فاي او البالميه انا جربت البالميه بجد طعمه تحفه والف هنا يا رب اكون عرفت افيدكم
عجبتك الوصفة؟
شوف كل وصفاتنا في مكان واحد
كل الوصفات →