→ كل الوصفات
طريقة عمل السمك السنجاري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- سمك بوري كبير مفتوح
- مكعبات طماطم
- مكعبات بصلة صغيرة
- جزرة مبشورة
- فلفل رومي مقطع
- شطة حامية (حسب الرغبة)
- بقدونس مفروم
- شبت مفروم
- كرات مفروم
- عصير ليمونة
- راس توم مفرومة
- ملح..فلفل..كمون..شطة..كسبرة ناشفة..جنزبيل
طريقة التحضير
- الاول حتغسلي السمك كويس ولو السماك مش فتحوا سنجاري من الضهر عادي جدا بسكينة حامية افتحيه من تحت البطن وشيلي سلسلة الضهر وحيبقي تمام 👍 وبعد كده تملحيه وتسبيه علي جنب
- حتخلطي كل مكونات الخضار والتوابل كويس اوووي ماعدا الليمون
- حتحضري صينية كبيرة وتفرشي فيها فويل علي حجم كل سمكة وتحطي شوية زيت وتفرديهم عالفويل
- حتاخدي شوية من الخضار ده تفرديه عالفويل وبعد كده تحطي فوقيه السمك وتحطي بقيت الخلطة عالسمك من فوق
- وبعد كده تضيفي الليمون وياريت تسبيه ساعتين عالاقل في التلاجة وبعد كده تدخليه الفرن علي درجة حرارة 200 لحد مايستوي وميته تنشف
- وللتقديم حتشيلي كل سمكة بالفويل عشان مش تتقطع او تتهري منك 😉
- وبالف هنا وشفا يااارب 😍 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد