→ كل الوصفات
#مطبخ_تيا
المقادير
- كيلو سمك
- راس ثوم
- ونص ليمونة
- ومعلقتين خل
- وملح
- وشطة
- وكمون
- وكزبرة ناشفة
- جزر
- و عودين بقدونس يضافة للتتبيلة
- وفلفل احمر او اخضر
- بصل مبشور للارز
- وممكن اضافة فلفل احمر او اخضر
طريقة التحضير
- بنغسل السمك كويس ونشرحة من بطنة عشان يشرب التتبيلة ويستوى كويس وننقعه في خل وعصير ليمونة
- في الكبة بننزل بالثوم ونص الليمونة بقشرها وعليهم معلقتين خل وفلفل اخضر وملح وشطة وكمون وكزبرة ناشفة وممكن اضافة جزر وعودين بقدونس
- بعد مانضرب المكونات في الكبة نتبل السمك وندخل في الاماكن الى شرحناها وفي راس السمك وممكن تضيفى ملعقة من تتبيلة السمك على السلطة الخضرا بتدي طعم حلو اوي
- الارز الاحمر حلة فيها شوية زيت وننزل عليه ببصلة مبشورة ونسيبها لغاية قرب ماتتحرق ونكون مسخنين ماء وننزل بالماء على البصل المبشور وملح وكمون وبعديها ننزل بالارز واذا عايزة الارز اغمق من كدا بتحرقى البصلة اوي ومتخفيش مبتاثرش على طعم الارز ولا بتمرره
- طاسة فيها زيت غزير وطبق فيه دقيق وعليه ملعقة نشا وملح وشطة وفلفل ونبتدى ننزل بالسمك في الزيت
- ملحوظة عشان ريحة المطبخ او الشقة متبقاش ريحتها زيت قلية السمك بعد مابخلص قلية السمك وبطفى النار بحط شوية فانيليا في الزيت بتخلى ريحة المطبخ حلوة جداً واذا مش متوفر فانيليا ممكن قرفة وبالف هنا 😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد