→ كل الوصفات

السنجاري بأفضل طريقه

طريقة عمل السنجاري بأفضل طريقه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 سمكات بوري حجم كبير
  • 2 حبه جزر مبشور
  • بصله متوسطه مبشوره
  • 2 حبه طماطم مقطعة مكعبات
  • 2 قرن فلفل اخضر رومي
  • معلقه كبيره ثوم مفروم
  • عصير ليمونه كامله
  • ¼ كوب زيت
  • ملعقة صغيرة ملح وكمون
  • كزبره ناشفه
  • شبت وكزبره خضره
  • شرايح ليمون
  1. الاول هتنضفي السمك وتشيلي الزعانف والقشر وتغسليه كويس وبعدين تفتحيه من ظهره وتنضفي بطنه وتنضفي راسه من الخياشيم وتخليه نضيف جداا وبعدين تنشفيه بمناديل مطبخ
  2. نيجي بقى للتبيله هتجيبي بوله ونضيف فيها كل المكونات دي ونقلبهم مع بعض كويس
  3. في الخطوه دي هتجيبي ورقه زبده مع ورقه فويل ورقه الزبده هي اللي تحت السمكه وبعدين الفويل منعا لتفاعل الاكل مع الفويل
  4. هتحطي السمكه على الورق وبعدين تتبيلها من وجهها وضهرها بملح وكمون وبعدين تحشيها بالتتبيله وتبرمي الورق على السمكه على شكل قارب كده وبعدين تحطي شريحه ليمون عند راس السمكه وتحطيه في الصينيه وتدخليه الفرن لحد مايأخد لون حلو ويستوي ويقدم مع ارز ابيض او ارز حبه وحبه وبألف هنا والطريقه موجوده
عجبتك الوصفة؟
شوف كل وصفاتنا في مكان واحد
كل الوصفات →