→ كل الوصفات
معالق المكونات بطريقه السبع انا ضعفت الكميه لاني عملت صاج الفرن الكهربائي في اصبح 14 ملعقة
المقادير
- 14 م ك دقيق
- 14 م ك سكر
- 14 م ك لبن
- 14 م ك زيت
- 4 بيضات
- كيس بيكنج بودرة
- ظرف فانيليا
- الحشو والتزيين
- كوب كريم شانتيه
- كوب لبن مثلج
- 0.5 كوب مربى فراوله, للحشو مع الكريم داخل الكيك
- للتزيين
- 0.5 كوب شوكولاتة خام
- معلقتين لبن
- معلقه زبده, لتسيح لشوكولاته على بخار ماء
طريقة التحضير
- اول حاجه في شفشق الخلاط حطيت السكر واللبن والزيت والبيض والفانيليا وضربتهم كويس اووي
- جهزت الدقيق ونخلته كذا مره وعليه البكينج بودرة ونزلت بالخيط عليه وقلبته كويس اووي
- جبت الصاج ومكنش عندي ورق زبده عندي ورق ابيض الى بنطلع الاكل عليه فردته على الصاج ودهنته زيت كويس وحطيت الخيلط فيه وظبطته كويس في الجوانب
- سخنت الفرن الاول على درجه حراره ١٨٠ ودخلت الصاج ٢٥ دقيقه الى ٣٠
- استوت سبتها تبرد خالص عملت الكريم شانتيه وضفتله سكر لانه خام حوالي ٥ ملاعق سكر كبار للكوب
- ده شكلها لما استوت وبردت قشرت الوجه ده بالسكين وشلت الحروف خالص وجهزت الكريم وفردته كويس والمربه ضربتها في المطحنه عشان تكون ناعمه لان بيكون فيها قطع وضفتها فوق الكريم
- بعدين لفيت الكيك وانا مسكاه بالورق لفيته وزي مهو ملفوف بالورق دخلته الثلاجه نص ساعة وبعدها خرجته غلفته من بره بالكريم كويس وزينته بالشيكولا سيحتها مع ملعقة زبده ومعلقتين لبن
- وده شكله النهائي
- حروف الكيك عملت منها كاسات بالكريم شانتيه طبقه كيك وعليها صوصالشوكولاته وطبقه كريم شانتيه 😍 واحلي واسهل والطعم رائع فعلا السبع ملاعق بيكون في اكبر صينيه في الطقم المستطيل وبتطلع نفس السمك وكل حاجه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد