→ كل الوصفات
#وصفة_خطيييرة 🤪🤪🤪 لازم كل وحدة جربها 😋😋😋😋😋 اول مرة جربتها ونجحتلي مهيش مكلفة وكل المقادير موجودة في كل بيت
المقادير
- 4 كيسان فرينة
- 1/4 كاس زبدة وتقدري تبدلي الزبدة بزيت
- 2 ملاعق كبار سكر
- ملعقة متوسطة خميرة الخبز
- كاس حليب دافئ
- علبة ياغورت طبيعي
- بيضة
- فاني
- ملعقة صغيرة خميرة فورية
- قرصة ملح
طريقة التحضير
- اولا تخلطي الخميرة الخبز وبيض وسكر والفاني مع كاس حليب دافئ وتخليهم يخمرو 10
- بعد مايخمرو تضيفي الفرينة مع الخميرةالفورية وتخلطي تحبي بيدك ولا بالعجانة لي عندك وتلمي لعجينة مليح وديري في طبسي يكون غامق ولا فاه خلطتي ملعقة كبيرة زيت وتمسحي كامل الاطراف وتحطي لعجينة تاعك في مكان دافئ تخمر مدة ساعة انا شعلة الفرن وخليتو سخن مليييح وطفيتو وحطيت لعجينة تاعي داخلو خمرلي بسرعة كبيرة وهذي العملية تساعدك وتنجحلك انا خدمت هكذا قلنا تخمر ساعة كاملة
- بعد ماتخمر تكسليها في كيس بلاستيكي بشوية زيت تحليها على شكل مستطيل وتخدمي باه تحشيها كاس غير ربع سكر و2ملاعق كبيرة كاكاو وملعقة قرفة وتخلطي مليح وتبعثري في كامل ارجاء العجينة وخاصة الحواف وتروليها وبالكيس لبلاستيكي وتقطعيها بسكين حاد ولا خيط خشين والخيط خار يقطعلك مليح وتدهني المول تاعك بزيت والفرينة وتحطي حبات تاوعك في المول وبعديهم على بعضاهم وتخليهم يخمرو مدة 30دقيقة
- بعد ما يخمرو تحطيهم يطيبو في درجة حرارة 200 مدة25 دقيقة يطيبو من تحت ويتحمرو شوية برك من فوق
- وتزيين بحليب مكثف محلى وصوص كرمال وان شاء الله ندير وصفة غير على صوص شوكولا وصوص كرمال والحليب المكثف المحلى وتوكلوها بصحة والهناء
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد