→ كل الوصفات

الشاورما العربي كما يجب ان تكون 😍

#لقيت_الطبطبة 😂 #الشاورما #مطبخ_عكاكة

  • كيلوا من صدور الفراخ البانيه
  • شرايح من الليا الضاني
  • 2 م ك صويا صوص
  • عصير 3 لمونات كبار
  • كوبايه زبادي كبيرة
  • التوابل
  • ملح وفلفل اسود و بابريكا و توم و بصل بودر
  • و معلقه من بهارات الفراخ
  • و العيش
  • 4 كوبايات دقيق
  • كوب ميه
  • 1/2 كوب زيت
  • 1/2 م ص ملح _ نص معلقة ص سكر
  • التوميه
  • 3 معالق كبيره من الزبادي
  • 2 م ك نشا
  • كوب ميه
  • م ك خل
  • عصير لمونه وسط
  • 1/2 م ص ملح
  • م ك توم بودر يكون ريحته نفاذة
  • 1/4 كوب زيت
  1. نتبل الفراخ بالزبادي و الصويا صوص و التوابل و الليمون و ننقعهم ف التتبيله ليله و الليا حطيت عليها شويه من عصير الليمون و لرشه فلفل اسود و سيبتهم ف التلاجة ليله
  2. و بعد كدا جبت اصغر صينيه و بصله كبيره قطعتها من تحت عشان تكون قاعده الشاورما و حطيت فيها عيدان الشيش طاووق و بدات ارس قطعة فراخ و عليها قطعة ليا لحد ما خلصت الكميه كلها و دخلتها الفرن حوالي ساعه و نص ع درجة حراره ٢٠٠
  3. الليا مهمة جدا ف الوصفة و عشان لو مش بتحبوها نقدر نسليها و ناخد سمنتها و نقطع الفراخ شرائح و نشوهها ع البوتجاز من فوق ف سمنه الليا
  4. العيش بقي هنعجن المكونات كلها سوا لحد ما نحصل ع عجينه ناعمة و متجانسة هنكورها ع حسب الحجم المرغوب و نحطها ف صينيه مرشوش فيها دقيق و نغطيها و نسيبها ترتاح لمده نص ساعه و بعد كدا هنفردها كويس جدا حتي الحصول ع عجينة رقيقة و ف صينيه مدهونة زيت نضيف هندخلها الفرن مفبش دقيقتين و هيكون استوي
  5. انا سويته ف الفرن لان معنديش الصاج بس لو متوفر نقدر نسوي عليه و ماسوتش ع البوتجاز من فوق عشان توزيع الحراره و بالتالي ممكن يتحرق
  6. المهم بعد تسوية العيش يتغطى ع طول و هو سخن عشان يفضل طري و ماينشفش
  7. نيجي بقي للتوميه اول حاجة هعملها هدوب النشا ف الميه و ع النار لحد ماتستوي و احصل ع قوام تقيل و عقبال ماتبرد هخلط الزبادي و الزيت و الخل و الليمون و الملح و التوم ف بوله بالهاند بليندر او اي حاجة متوفرة
  8. خلطتهم كويس و بعد كدا ضيفت عليهم النشا و نخلط حتي الحصول ع قوام متجانس هتكون سايله شويه بس هندخلها التلاجة هتبقي حلوه و تمسك نفسها
  9. و بالف هنا و شفا ❤️
عجبتك الوصفة؟
شوف كل وصفاتنا في مكان واحد
كل الوصفات →