→ كل الوصفات
تحميس البقدونس المفروم والنعناع والتوم او نستبدل البقدونس بالكزبره بتعطي طعم ورائحه شهيه للوصفه
المقادير
- 6 حبات كوسا حجم كبير
- ارز حبة قصيره للحشو
- لحم مفروم
- بهارات الحشوه
- فلفل اسود
- كمون
- مكعبات ماجي
- السبع بهارات
- رشة قرفه
- رشة قرنفل
- نعناع مجفف
- صنوبر ولوز مقلي
- 1 ليتر لبن ماعز او اغنام
طريقة التحضير
- بنحفر الكوسا وبنغسلها منيح بالماء ونخليها عجنب في مصفاه ونبدا نجهز الحشوه طبعا بنكون ناقعين الارز بماء،ساخن لمدة 10دقائق بنضيف اللحم المفروم و البهارات المشكله ونضيف ملعقة زيت زيتون ونبدا نخلطها لحد ما تختلط البهارات منيح بالارز واللحم بالاخير بنخلي المكسرات بصحن جانبي وبنوخد حبات الكوسا بنحشوها لنصها بس يعني كمية قليله من الارز لنصف الحبه ونحط مكسرات ونغلقها بطماطم او بطاطس حسب الرغبه بعد ما ننتهي من حشوها بنحطهت بطنجره في ماء مغلي ونسلقها حتى تنضج ويتغير لونها
- بعد ما تستوي بنصفيها من الماء
- ونبدأ بتحضير اللبن المطبوخ بنصب اللبن في طنجره وبنضيف فلفل اسود رشه كمون رشه ومكعبين ماجي. او ملعقتين مراق وملعقة نشا ونخلطهم منيح في الطنجره لتدوب البهارات مع اللبن
- بنضيف ليتر ماء فوق اللبن وبنحركه منيح وبنرفعو عالغاز ليتطبخ
- بنضل نحرك فيه لحد ما يبدأ بالغليان بنخفض الحراره تحت الطنجره ونتركها شوي تتسبك
- بنصب اللبن المطبوخ فوق حبات الكوسا وبنرجعهم عالغاز على نار متوسطه الى الخفيفه يغلو سبع دقائق بنجهز التتبيله
- نفرم البقدونس والنعناع ونبرش التوم ونضيف ملعقتين زيت زيتون بنحركهم ليتدبلو وتفوح ريحتهم
- بنضيف التقلايه عاللبن المطبوخ وما نحرك بالملعقه نحرك الطنجره شوي شوي ليختلطو تواني غليان ونطفي تحتهم
- ونوخد حبات الكوسا لطنجرة التقديم حبه ورا التانيه بحذر وبنصب اللبن فوقهم وميت صحه وهنا جربوها وادعولي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد