→ كل الوصفات
عجينة القطايف من أشهى الوصفات وألذها. تعلمواالطريقة الأصلية التقليدية لعمل عجينة القطايف بخطوات ولا أسهل على أصولها مثل الجاهزة تماما. هذه وصفتي المعتمدة علمتني اياها امي الغالية خطوة بخطوة على الاصول
المقادير
- 4 كوب دقيق متعدد الاستعمالات
- 4 كوب ماء بدرجة حرارة المطبخ
- 2 معلقة كبيرة خميرة فورية
- 2 معلقة صغيرة سكر
- 1 معلقه صغيرة ملح
طريقة التحضير
- هنخلط كل المكونات الجافة مع بعض كويس ونضيف 2 كوب ونص من الميه ونقلب ونضيف باقى كمية الميه بالتدريج لغاية مانوصل للقوام المظبوط (شبهه قوام عجينة الكريب السائلة)
- هنغطيها ونسيبها تخمر من نص ساعة لساعة إلا ربع بعد ما تختمر وتعلى فى الطبق فى خطوة مهمه جدا ودى اللى هاتدينى النتيجة الصح
- لازم نقلب العجين كويس لغاية ما نخرج منه الهواء بتاع الخمير.. يعنى ترجع لنفس مستوى ارتفاعها اللى كان قبل ما تخمر فى الطبق تقريباً
- عشان الهواء ده بيخليها تعمل فتحات واسعه وفتحات فى ضهرها تخليها ما تحتفظش بالحشوات كويس
- بنستخدم فى تشكيل القطايف إزازه بلاستيك بتاعة الحاجه الساقعه أو إزازة كاتشب أو مستردة فاضية ونضيفة (عشان بوزها رفيع) أو بنستخدم القُمع
- على طاسة ما بتلزقش وننزل بالقطايف بتاعتنا واول ما تعمل الفقاقيع والثقوب الصغيرة بتاعتها نرفعها على طول
- (مابتاخودش دقيقه وما بتتقلبش) بنخرجها على فوطه وبنغطيها عشان ماتنشفش
- وبالف صحه وهنا وكل عام وانتم بخير
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد