→ كل الوصفات
المطبخ اكتر حاجة بحبها وبحب اقضي وقتي فيها 😂😚
المقادير
- 4 كوبايات دقيق
- 2 كوب سمن بدرجة حرارة الغرفة
- 1 كوب سكر
- كيس فانيليا
- للتزيين زبيب او فول سوداني
طريقة التحضير
- عمتا كمية الدقيق بيكون نصها سمن ونص كمية السمن سكر
- نخلط السكر مع السمن ونضربهم كويس جداا لحد ما يبقوا في قوام الكريمة كدا ونحط عليهم الفانيليا
- بعدين ننزل بالدقيق شوية بشوية ونخلطها لحد ما تمسك معانا وتبقي عجينه تعرفي تشكليها
- نشكلها دوائر صغيرة على حسب ما تحبوها ،ممكن نجرب ندخل اتنين في صينيه ونشوف هتفرش ولا لا لو فرشت يبقى السمن كتير ونزود دقيق
- ندهن الصينيه زيت ونرص الغريبة ملحوظة : بتتسوي على درجة حرارة متوسطه عشان متشققش بنسيبها لمدة 10:15 دقيقة كدا تأخذ لون ذهبي من تحنت ،وبنختبر الصينيه بنحركها لو الغريبه اتحركت يبقى استوت
- نسيبها تبرد شوية ونبقي نغطيها عشان متنشفش ودا شكلها حلوة اوي بالف هنا وعيد سعيد ان شاء الله 💙💙💫
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد