→ كل الوصفات
شغل فاخر من الاخر لي اجيب القطعة بمبلغ وقدره لما انا ممكن اعملها في البيت بحق قطعتين نعمل احلى 12 قطعة جربوها #ع_طريقتي ولا احلى ولا اسهل #المريول_العالمي #طحين #شوكولاته
المقادير
- كيك الفادج
- كوب ماء
- 1/2 كوب زيت
- 1/4 كوب كريم شانتيه خام
- 3 بار شوكولاته خام
- كوب كريم شانتيه خام
- 1/2 كوب لبن مثلج
- 3 م ك جناش
- كوب لبن
- 3 م ك نسكويك
- عين جمل
طريقة التحضير
- للجناش في حله هانحط الماء والزيت والكريم شانتيه ونقلبهم كويس ونرفعهم على النار لحد ما يغدو وبعدين ننزل بالشوكولاتة الخام ونقلبهم لحد ما يتقل معنا القوام ونطفي النار ونخليه على جمب يبرد تماما
- هانعمل الكريم شانيته كالمعتاد وهانضيف عليه 3 ما ك من الجناش اللي عملناه ونخفق تاني وندخلو الثلاجه شويا.. هانبدا نأخذ الكيك ونقسمو نصين طبعاً تاني يوم ونطلعها من الثلاجه
- هانعمل التسقية كوب لبن مع النسكويك وممكن ما ك من الجناش ونقلب كويس ونبدأ نسقي نص الكيك كويس ونأخذ من الجناش ونفردها ونحط كمية الكريمة المناسبه ونفردها وانا هنا حطيت عين جمل (جوز)مجروش ونأخذ النص التاني من الكيك ونحطو عليها ونسقيه بردو بنفس الطريقه وبعدين نأخذ باقي الكريمة ونغلف باقي الكيك كلو ونزبطها
- ندخلها الثلاجه مش اقل من 4 ساعات لازم تغليفه الكريمة تمسك اووي وبعدين نطلعها نحط باقي كمية الجناش وندخلها الثلاجه لتاني يوم.. اخد اللي بقي في الجناش حطيتو في الثلاجه وقبل التقديم حطيتو في كيس الحلوني وشكلت بيه وحطيت عين جمل.. وقطعتها وقدمتها وبالهنا والشفا 🫶🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد