→ كل الوصفات
طريقة عمل الفايش السريع 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 كوب ونص دقيق
- ½ معلقه صغيره فلفل اسود
- ½ معلقه صغيره ملح
- معلقه كبيره كركم
- ½ كوب لبن
- ¼ كوب زيت أو معقليتين كبار سمو
- بيضتين
- ⅓ تربع كوب لبن
- باكيت ونص بيكنج بودر
- معلقه صغيره خل
- ميه حسب الاحتياج
- ذرة لون اصفر ان وجد
طريقة التحضير
- في بوله غويطة هنضيف المكونات الجافه مع بعضها ونضيف معاهم السمن أو الزيت ونقلبهم كلهم مع بعض كويس اوي
- هنضيف البيض والخل واللبن ونقلب ونضيف الميه شويه بشويه لما نوصل للقوام فالعجين شبهه الكيكة كدا ونكون مسخنين الفرن على ١٨٠
- هندهن صينيه الفرن زيت ودقيق وننزل بالخليط فالصينيه ونوزعه كويس بالتساوي ميكونش جزء عالي وجزء هابط وهندخلها الفرن تستوي حوالي ساعه الا ربع
- هنختبرها بخله شيش طاووق فالنص لو طلعت مفيهاش حاجة يبقى كدا استوت كويس هنقفل الفرن ونخليها تبرد خالص ونقطعها شرايح سمك ١سم ونرصها فصاج الفرن وندخلها تتحمص على درجة حرارة هاديه اوي ونخليه ياخد وقته فالفرن ومنعليش عليه خالص المهم ان النار تكون هاديه جدا جدا لما يتحمص نخليه يهدي خالص ونحتفظ بيه فعلبه محكمة الغلق ويتقدم مع الشاي أو النسكافيه فالفطار والعشا وبالهنا 💪✋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد